КАДЕ ГО ИМА ОВА, ВИКНЕТЕ ПОЛИЦИЈА ДА НЕ ОСЛОБОДИ, ЗАКЛУЧЕНИ СМЕ - нема мир во Собранието, Џафери ја заклучи вратата за да се пребројат пратеници
Објавено во: Македонија 26 Мај, 2022
Нема мир во законодавниот дом на земјава. Вчера доцна вечерта, во салата каде што се одржуваат пленарни седници, беше заклучена вратата. Според собранискиот спикер, Талат Џафери, ова беше направено со цел да се пребројат присутните пратеници.
Овој настан пратениците од ВМРО-ДПМНЕ нарекоа дека е неделовничко делување на Џафери и ограничување на правото на движење.
„Викнете полиција за да знае дека сме заклучени и да не ослободи“. Ова го повикуваа повеќе пратеници на опозицијата, а може да се види од видеото објавено на фејсбук профилот на пратеникот Миле Лефков. Пратеникот Мицeвски пак стоеше до заклучената врата, а неколкупати беше прикажана и снимка дека вратата не може да се отвори.
Некои пратенички тропаа по собраниските врати, а на снимката на Лефков се слуша гласна расправија на опозиционерите со Џафери.
Беа прикажани и празните пратенички клупи на владеачката коалиција, а од ВМРО-ДПМНЕ сметаат дека на овој начин со заклучена врата, нивни пратеници нема да може да се пријават за збор на седницата.
„Кого заклучуваш? Ќе ѕвонам на полиција да те пријавам, бе. Кој ти дава право?“, извикуваше координаторот на ВМРО-ДПМНЕ, Никола Мицевски.
Инцидентот се случи по 22 часот. Претседателот на Собранието.Џафери бараше од опозиционерите да направат список на пријавени за збор по 15 точка – Дополнет предлог на закон за спречување перење пари и финансирање на тероризам. Опозицијата реагираше и зошто Собранието продолжува со работа толку доцна.
Состојбата се смири откако службите ги пребројаа пратениците по што вратата на салата беше отклучена. Во салата беа присутни 38 пратеници.
Претседателот на Парламентот Талат Џафери рече дека, согласно Деловникот, Собранието може да работи без кворум, но не може да одлучува.
Можеби ќе ве интересира
Mаксимумот на температурата денес до 29 степени, во Скопје до 27 - но нестабилно: Ова е временската прогноза
ФАКТОР НА ДЕНОТ: Таравари најави дека до петок ќе има конечен договор со ВМРО-ДПМНЕ за формирање Влада
ТАРАВАРИ: Се очекува до петок да се постигне финален договор за формирање на Влада
OJO: Поведена постапка за насилство во училиште во Битола каде маж тепал дете, а жена му ја држела наставничката
Две обвиненија за Мерко, поставувал некомпетентни директори на училишта
ЗА ПАЛЧО СЕ ОГЛАСИЈА ОД КРИВИЧЕН СУД: Судија на претходна постапка во координација со Јавен обвинител, ќе издаде наредба за спровод за негово произнесување
Екстрадиран кондовскиот терорист Бесим Красниќи во Македонија
ЈАНЕ ПЕТКОВСКИ И ЕЛИЗАБЕТА СТЕФКОВСКА ГО НАПУШТИЈА СДСМ ВО СОВЕТОТ НА КИСЕЛА ВОДА - градоначалникот Ѓорѓиевски им изрази благодарност
