КАДЕ ШТО ЗАСТАНА АЛЕКСЕЈ НАВАЛНИ, ТАМУ ЌЕ ПРОДОЛЖИ ЈУЛИЈА: Таа е новиот глас на руската опозиција, но дали е и на листата на Путин за отстрел?

Добивај вести на Viber

Јулија Навални еднаш изјави дека го поддржува нејзиниот сопруг Алексеј Навални - не затоа што му е сопруга, туку затоа што е „неговата поддршка“ и „личноста која најдобро знае што го чинеле сите овие години“. Германски Билд прашува дали и нејзиниот живот сега е во опасност.

Неколку часа откако дозна дека нејзиниот сопруг, Алексеј Навални, е мртов, вдовицата изјави на Минхенската безбедносна конференција: „Путин мора лично да одговара за сите злосторства што ги направи во нашите земји. Наскоро ќе дојде денот, ги упатувам моите зборови до сите луѓе во

Денот кога Јулија Навални стана меѓународно позната беше 21 август 2020 година. Еден ден претходно, нејзиниот сопруг беше жртва на труење.

Таа застана пред болницата во сибирскиот град Омск носејќи очила за сонце и барала на нејзиниот сопруг, кој се борел за живот, да му се дозволи да замине на лекување во странство. Нејзиниот сигурен настап го воодушеви Западот. Таа направи се за да го извлече сопругот од болницата во Омск, Сибир.

Јулија Навални одржуваше контакт со новинари, организираше германски лекари и лет до Берлин. За да го постигне тоа, таа му напиша писмо на Владимир Путин, неговиот најголем непријател.

Јулија Навални важи за една од највлијателните жени во Русија. Каналот лојален на Кремљ Zargrad.tv, кој е во сопственост на олигархот Константин Малофеев, ѝ се обратил во десетминутно соопштение непосредно по апсењето на Навални во 2021 година и и се заканил: Ако оди во политика и се претвори во „руска Тихановска“ (Светлана Тихановска, лидер на опозицијата во Белорусија) ќе бидат објавени информации за наводните афери за неа и нејзиниот сопруг.

Факт е дека дури и жените кои отворено го критикуваат режимот на Путин живеат ризичен живот во Русија. Еве што покажува случајот на Ана Политковска: Репортерката, која известуваше за кршење на човековите права во Чеченија, беше убиена пред нејзиниот стан во Москва на 7 октомври 2006 година - на роденденот на Путин.

Семејството Навални ја напушти Русија во 2021 година. Малку се знае за нивното место на живеење. Сопругата на Алексеј често се појавуваше во Германија. Во интервју за „Шпигел“ таа еднаш на прашањето дали сака да се занимава со политика рече: „Треба да сакаш да бидеш политичар. Сакам нешто поинакво. Сакам луѓето да се сетат дека Алексеј Навални, рускиот опозициски лидер, е во затвор“.

Меѓутоа, таа сега изјави дека сака да ја продолжи работата на нејзиниот сопруг и дека сака да изгради слободна Русија.

Таа изјави дека ќе работи во корист на граѓаните на Русија за да се бори против Кремљ и да создаде „нова Русија“. Во меѓувреме, таа се состанува со највисоките претставници на Европската унија додека САД и ЕУ продолжуваат да ги разгледуваат мерките против Русија поради смртта на Навални.

Високиот претставник на ЕУ за надворешна политика и безбедност Борел, рече дека Јулија Навални ќе присуствува на состанокот на министрите за надворешни работи на ЕУ во Брисел за да даде „порака за тоа како да се поддржи политичката опозиција во Русија против режимот на Путин“. Земјите-членки „сигурно“ ќе предложат санкции против Русија, рече тој.