Како гигантите се борат за секој денар?

Добивај вести на Viber

Кампусите на колеџите во САД се меѓу најмалкуте места во земјата каде човек може да избега за кратко од сенката на синџирот кафетерии Starbucks. Компанијата има околу 11 500 објекти во Америка, но само 300 од нив се во кампуси. Тоа значи дека повеќето студенти во сите 4700 колеџи во земјата купуваат кафе од друго место. Тоа е на пат да се промени во три институции. Синџирот планира да започне да ги продава пијалоците во специјално опремени камиони во Arizona State University, James Madison University во Вирџинија и Coastal Carolina University во Јужна Каролина. Прашањето е зошто камиони? Тие можат да се движат наоколу, следејќи ги учениците во текот на денот и одговарајќи на кофеинските потреби на младите. Ова укажува дека камионот ќе е паркиран пред Хостелите рано наутро, а во попладневните часови ќе се наоѓа во дворот на кампусот. Камионите се управувани од компанијата Aramark, која е партнер на Starbucks. Од своја страна учениците сакаат кафе. Повеќето млади луѓе претпочитаат повеќе кафе отколку газирани пијалаци со кофеин. Во една студија на Aramark 47% од учениците посочуваат дека сакаат да купат посебно кафе или еспресо, а Starbucks најчесто користен бренд кога станува збор за кофеински пијалок. Според податоците на Aramark 18% од продажбата во кампусот се на сметка на кафе. Всушност колеџите се нешто како лабораторија за Starbucks. Компанијата се обидува да открие нови видови продавници кои се различни од типичени за неа кафулиња. Ова и овозможува на фирмата да стигне до луѓето, до кои немала пристап порано, наведува главниот финансиски директор на Starbucks Скот Моу. "Кампусите се идеално место за тестирање на мобилните камиони", вели портпаролот на Aramark Карен Катлер. Многу кампуси располагаат со паркинг и бројни места за трговија на мало. К.К.