КАКО КРЕМЉ ЈА ОЦЕНИ НОВАТА БРИТАНСКА ПРЕМИЕРКА: „Изјавите на Лиз Трас против Русија беа агресивни“

Добивај вести на Viber

Односите меѓу Русија и Велика Британија тешко дека ќе станат поконструктивни со доаѓањето на Лиз Трус за премиер, со оглед на нејзините непријателски изјави против Москва, изјави портпаролот на Кремљ, Дмитриј Песков.

- Мислам дека во ситуацијата во која се сега билатералните руско-британски односи, можеме само да се надеваме на едно - дека нема да се влоши. Иако, тешко е да се замисли дали може да се влоши - рече Песков.

Како што додаде тој, судејќи според изјавите на Трас за Русија кога таа беше министерка за надворешни работи и кандидат за позицијата лидер на партијата, „со голема сигурност може да се претпостави дека не треба да очекуваме никакви промени на подобро“.

- Таа не кажа ништо добро за нас. Згора на тоа, со жалење може да се каже дека нејзините изјави против нас беа агресивни, непријателски и неконструктивни. Врз основа на тоа може да се претпостави дека ништо посебно нема да се промени во догледно време - изјави Песков за телевизијата „РБК“.

На прашањето дали е можно влошување на односите меѓу двете земји, портпаролот на Кремљ одговори дека „тоа не може да се исклучи, со оглед на непредвидливоста“.

- Нивните чекори се ирационални, преземаат чекори кои им штетат на сопствените интереси. Треба да бидеме подготвени за секаков развој - изјави Песков.

Лиз Трус ќе биде новата премиерка на Велика Британија откако победи во трката за претседател на владејачката Конзервативна партија.