Какви технички проблеми го спречија Османи да оди во Сараево: Од МНР молчат
Објавено во: Македонија 12 Февруари, 2021 10:30
Еден час откако босанските медиуми соопштија дека е откажана посетата на министерот за надворешни работи на Македонија Бујар Османи во Сараево, од македонското МНР велат дека немаат никакви информации за одложувањето. Портпаролот Бекри Ајдини за Фактор вели дека не може ништо да потврди и дека ќе прати официјално соопштение.
Информацијата за одложување на посетата на шефот на македонската дипломатија дојде од Министерство за надворешни работи на Б и Х чие соопштение беше цитирано од некои босански медиуми. Во објавата стои дека посетата морало да биде одложена поради технички проблеми поврзани со пристигнувањето на македонската делегација. Нов термин за посетата ќе биде дополнително одреден. Сепак Ајдини тврдеше дека не знае ништо.
Претходно беше објавено дека рамките на посетата, како што соопшти МНР, освен со својот домаќин, заменик-претседавачот на Советот на министри и министерка за надворешни работи на Босна и Херцеговина, Бисера Турковиќ, Османи ќе биде примен во Претседателството на Босна и Херцеговина, каде што ќе има средба со членот на Претседателството Шефик Џаферовиќ и ќе оствари средби со претседавачите на двата дома на парламентот на Босна и Херцеговина.
А.Т.Можеби ќе ве интересира
Желјазков: Немаме нерешени билатерални прашања со Република Северна Македонија
Петре Шилегов бара оставка од лидерот на СДСМ, Венко Филипче
Арсовска од медиумите дознала дека треба да пријави имотна состојба, ја обвини ДКСК за јавен линч
Собранието го изгласа пакетот закони потребни за целосно функционирање на системот „Безбеден град“
Собранието донесе Резолуција за осуда на манипулациите на опозицијата и за потврда на политиките против нелегалната миграција
Грчкото МНР реагира за изјавата на Мицкоски: Секој обид за фалсификување или менување на содржината на Договорот oд Преспа нема да биде прифатен
„Кој има две блузи, нека даде една на оној што нема ниедна“: Празнична солидарност на дело - Велешани со пример за цела Македонија
Наводите за привилегии за тендерите се неточни, велат од Владата по обвинувањата за давање милионски тендери
