Калајџиев: Допрва ќе видиме зошто СЈО се закопува

Добивај вести на Viber

Допрва ќе видиме зошто СЈО се закопува и што има таму да се крие, рече професорот Гордан Калајџиев. 

Додава дека Катица Јанева нема овластување ни во нормални услови, а не пак во притворски да ги делегира предметите на Специјалното јавно обвинителство на друго обвинителство, како што тоа го направи со полномошно испратено од затвор.

Додава дека таа овие предмети ги добила со закон и мора да ги работи. Тој е разочаран што не се знае кој прислушувал во Македонија. Ако предметите се префрлат, вели дека може да се развлечат и да пропаднат.  Калајџиев вели дека СЈО може да довери некој предмет на друго обвинителство, но тоа би било еден конкретен предмет, а не сите.

„Можеше да се избере нов јавен обинител, но најстрашно е што за такво нешто не постои интерес. Очигледно ова е крај на СЈО, не постои интерес во земјава да има самостојна и независна институција за борба со корупција. На крај мора да признаам со жалење дека СЈО е само злоупотребено за да се бутне ВМРО-ДПМНЕ од власт“– вели Калајџиев.

Професорот прашува зошто меѓународниот фактор дозволува СЈО да се закопа. 

Тој кажа дека е враќаме во ситуација како пред четири години, а СДСМ не дојде на власт со такво ветување.