Калајџиев: Помилувавме човек за пронајден пиштол и пет куршуми кај него дома

Добивај вести на Viber

Професорот Гордан Калајџив, дел од комисијата на претседателката Гордана Силјановска Давкова за помилување, во поткастот „На кавга со Иван“ рече дека актот со кој го ослободиле  Акиф Равманоски е суштински идентичен како првостепената судска одлука на лидерот на нарко кланот „Барон“.

- Човекот за кој се води дека е шеф на банда по судските списи е осуден за еден пиштол дома и пет куршуми. При тоа првостепениот суд, исто како и комисијата, му дал условна осуда. Апелација пак, што сум се зачудел како ги менува казните со многу построги, ги менува условните и паричните со казна затвор. Значи тој не е осуден за шеф на банда, рече експертот во студиото и при тоа додаде дека тие не добиваат разузнавачки извепштаи за да го знаат поширокиот контекст.

Денеска премиерот Христијан Мицкоски пак рече дека Равманоски веќе е во притвор за ново дело, откако беше уапсен само што го напушти Идризово со актот за помилување од страна на Силјановска Давкова.

- Тој случај е кукавичко јајце снесено од претходната влада кој требало да имплодира во овој период. Знам лицето дека е повторно приоведено и дознав дека има уште неколку дела кои се поврзани со ова лице. Она што го збнам е дека веќе доби истото лице 30-дневен притвор, рече Мицкоски.

Помилуваниот припадник на нарко кланот Барон повторно доби лисици на раце. Излегол од Идризово  со документот дека е помилуван од претседателката за казната за оружје но сега му се заканува враќање зад решети во Шутка затоа што обвинителството бара притвор поради истрага за убиство во обид . Осомничен е дека пред десетина дена во Чаир тој го застрелал во нога припадник на кланот Грчец. Тогаш осуденикот Равмановски излегувал од затворот со  дозвола за работен ангажман. Покрај за ова дело осомничен е и за учество во тепачка.