КАМАЛА ХАРИС: Војната во Украина е неуспех на Путин
Објавено во: Свет 16 Февруари, 2024
Војната во Украина е неуспех на Путин, вели американската потпретседателка Камала Харис.
Таа изјави денеска дека „војната на Путин во Украина е тотален неуспех за Русија“, додавајќи дека единственото решение за конфликтот на Блискиот Исток е Израел да ги врати заложниците, без палестинската терористичка група Хамас да владее со Појасот Газа.
„Тоа е неуспех на Путин, бидејќи Украина врати половина од територијата што Русија ја окупираше на почетокот на агресијата. Руската армија претрпе тешки удари, загуби две третини од тенковите и една третина од својата флота во Црното Море. Русија има и 300.000 жртви во војната, што е петпати повеќе отколку во Авганистан. Затоа плаќа економска цена, за својата агресија. Мора да плати за штетата што ја нанесе на Украина“, изјави Харис на панел на Минхенската безбедносна конференција.
Таа наведе дека САД ќе работи во Конгресот на обезбедување клучно оружје за поддршка на Украина. Moжно е Украина да се повлече од Авдиивка поради недостиг на муниција. Руската инвазија на Украина почна пред две години на 24 февруари.