Каранфиловска Панова: Не сум формален член на СДСМ, но статутот дозволува да бидам потпретседател на партијата

Добивај вести на Viber

Фани Каранфиловска Панова вели дека е избрана за нов заменик претседател на СДСМ затоа што нејзините ставови од граѓанското оптество се на иста линија со опозициската партија.

„Никогаш не сум била членка на ниту една политичка партија, ниту на Социјалдемократскиот Сојуз. Сакам да кажам дека иако постои разлика меѓу политичките партии и граѓанското општество, призмата низ која ги следат општествените случувања е многу слична. Не е ништо ново, ниту надвор ниту кај нас, луѓе што работеле во граѓанските организации да се активираат политички, 

Моето поаѓање на прифаќање на оваа политичка функција е тоа што секогаш, иако не сум била член на политичка партија, е единствено тоа што погледите и сфаќањата ми биле блиски до оние на социјалдемократската идеја, и тоа во најлибералната смисла. Сметав дека имам обврска и одговорност за граѓаните како активен чинител да придонесам во промените“, рече таа во емисијата „Стадион“ на Канал 77 претпладнево.

За Каранфиловска Панова, СДСМ отсекогаш била граѓанска и мулчтиетничка партија, а статутот дозволувал приврзаници да бидат назначувани за нејзини функционери.

- Не сум формален член на СДСМ, ама тоа ќе се случи. Не успеав во овие осум дена, откако сум избрана, тоа да го направам, рече новата заменик претседателка на партијата.