ЌЕ ИМА ЛИ УШТЕ ЕДНА ЖЕСТОКА РАСПРАВА: Груевски денеска на суд за нарачаните шамари

Добивај вести на Viber

Лидерот на ВМРО ДПМНЕ денеска треба да се појави на суд за случајот со насилството во Центар кој го води специјалното јавно обвинителство.

Минатото рочиште заврши доста напнато и со казни од по 2000 евра за специјалните обвинителки Катица Јанева и Фатиме Фетаи поради како што истакнаа од судскиот совет поради непочитување на судот .

Ова ќе биде трето судење а во овој случај осомничени се Никола Груевски, Миле Јанакиевски, Даниела Рангелова и други членови на ВМРО-ДПМНЕ.

Првата и втората расправа беша доста жестоки . На првото судење обвинителката Фатиме Фетаи беше обвинета за терминологијата на осомничени и обвинети од судијката Михајлова, а Фатиме на тоа возврати дека таа си ги брани своите права, и дека очекувала главна расправа како што стоело во судската покана, а не дека ќе се одржи прелиминарно рочиште за техничко оценување на доказите. 

Жесток вербален судир имаше и на втората расправа на која како што споменавме обвинителките беа казнети со по 2 000 евра. (Обвинителката Фетаи, откако не ѝ беше даден збор од Михајлова, стана и ѝ рече дека не е дојдена во судот за да види колку е убава, а потоа ја обвини Михајлова дека направила фалсификат со записникот од претходното рочиште).

Според ова обвинение, првообвинетиот Груевски со умисла побарал, а Јанакиески прифатил преку партиски членови да извршат грубо насилство врз градоначалникот на општина Центар Андреј Жерновски и врз членови на Советот на општината.

Имено, судијката која го водеше овој случај пред три дена си поднесе оставка од функцијата в.д. претседател, меѓутоа Михајлова ќе го води случајот се додека не се изберен нов претседател на судот.