Кој е човекот кој здушно го брани Никола Груевски од одење в затвор?
Објавено во: Македонија 09 Ноември, 2018
Медиумите веќе го „обработија досието“ на Александар Трајковски, предводникот на протестите за спречување на поранешниот премиер Никола груевски од одење в затвор, а дури и побара помилување за него од претседателот Ѓорѓе Иванов.
Главниот говорник на протестот порача дека тие се собрале самоиницијативно како членови на ВМРО-ДПМНЕ за да му дадат поддршка на Груевски и да му порачаат дека неговата борба е и нивна борба.
„Го повикуваме претседателот Ѓорѓе Иванов, кој е единствениот политичар со кредибилитет кај граѓаните, да донесе одлука со кој ќе го прекине овој политички прогон што се спроведува во РМ“, коментира Александар Трајковски од ВМРО-ДПМНЕ.
Но, во 2013 година тој тврдеше дека не го интерсираат партии и дека ја брани изградбата на црквата на плоштадот. Трајковски беше во првите редови во насилството кое се случи во бараките на општина Центар во 2013 година. Тропаше по прозорите, кршеше и ги кинеше завесите.
Од кабинетот на шефот на државата засега не се достапни за коментар на барањето на опозицијата испорачано на синоќешниот протест пред Скопскиот кривичен суд каде неколку стотина граѓани излегоа за да дадат поддршка на поранешниот партиски лидер и премиер.