КОЈ ЌЕ СЕДНЕ ВО ДИРЕКТОРСКОТО СТОЛЧЕ НА ОТА? – Собранието ќе избира нов шеф задолжен да ја води замената на УБК
Објавено во: Македонија 06 Септември, 2023
Поради истек на мандатот на сегашниот директор на Оперативно-техничката агенција (ОТА), до Собранието, како надлежно за нејзиното работење, е доставен предлог за објава на нов оглас на кој ќе се бараат кандидати за нов „шеф“ на ОТА.
Како што е наведено во документот доставен пред пратениците, „Собранието на Република Северна Македонија објавува јавен оглас за избор на директор на Оперативно-техничката агенција (во понатамошниот текст ОТА)“.
Притоа е посочено дека за директор на ОТА може да биде избрано лице кое е државјанин на Македонија, има стекнато најмалку 240 кредити според ЕКТС, односно седми VII/1 степен на образование во: информатика, електротехника, компјутерска техника и информатика, телекомуникационо инженерство, безбедност, компјутерска безбедност, правни или економски науки. Кандидатите исто така треба да имаат најмалку десет години работно искуство по завршување на образованието во претходно споменатите области.
- Пријавата за учество на овој оглас, личната биографија и документите со кои се докажува исполнување на условите во оригинал или заверена копија на нотар, заинтересираните кандидати треба да ги поднесат до Собранието во рок од 10 дена од денот на објавување на одлуката во „Службен весник на Македонија“. Објавата освен во службен весник ќе биде пренесена и во другите печатени медиуми во земјава, поточно во весниците „Слободен печат“, „Нова Македонија“ и „Коха“ – се наведува во предлог решението доставено во Собрание.
Согласно законските процедури, Собранието на Македонија во септември 2018 година го избра актуелнот директорот на ОТА, Зоран Ангеовски кој завршил Факултет за безбедност во Скопје. Тој ја поминал неговата 29 годишна кариера во Службата за државна безбедност, Агенцијата за разузнавање и Телеком. Од 2008 година работел во неколку домашни и странски компании.
Во членот 4 од Законот за оперативно-техничка агенција е утврдено дека мандатот на директорот изнесува пет години и дека за избор на директор се објавува јавен оглас. Условите кои треба да ги исполни едно лице за да биде избрано за директор на ОТА се утврдени со законот и се предвидени во Предлог одлуката.
Инаку ОТА настана на крајот на 2018 година, и беше формирана со цел оневоможување на злоупотреба на мерката следење на електронските комуникации на граѓаните од страна на овластените органи за следење на комункациите или операторите. Во нејзиниот домен на заштита се само електронските облици на комуникации меѓу граѓаните.
Како што им е познато на граѓаните ОТА настана по скандалите со преслушкувањето, и по објавувањето на многубројните „бомби“, или снимени разговори меѓу тогашните владини претставници од редовите на ВМРО-ДПМНЕ, врз основа на кои дел и завршија зад решетки.
По промена на власта, се формираше ОТА која всушност ја презеде и опремата за следење на комуникациите со која дотогаш располагање Управата за безбедност и контраразузнавање (УБК). Поентата на промените беше да се спречат повторни злоупотреби на системот, и масовни преслушкувања, или пак, нивно неовластено објавување или користење.
Согласно законските измени, ОТА иако е самостоен државен орган, не е во можност да ги слуша и нема право на пристап до содржината на следената комуникација. Имено, ОТА е задолжена да ги следи комуникациите само ако има судска наредба, заради кривични истраги или заштита на интересите на безбедноста и одбраната на државата.
П.О.
Фото: Clique Images on Unsplash
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ДВАЈЦА МЛАДИ МАКЕДОНСКИ ЛЕКАРИ НЕСЕБИЧНО СПАСУВАА ЖИВОТИ НА НАСТРАДАНИТЕ ВО НАПАДОТ ВО МАГДЕБУРГ - горда е македонската амбасада на нашата дијаспора
„БЕБЕТО ДЕНОТ БИЛО ПРЕГЛЕДАНО ОД СПЕЦИЈАЛИСТИ И БИЛО ВО ДОБРА ЗДРАВСТВЕНА СОСТОЈБА“ - директорот на Детска, Мемеди, тврди дека грижата била професионална
СЕ ОГЛАСИЈА ОД ВОДОВОД СО ГОЛЕМО СООПШТЕНИЕ: Полнењето е почнатои и се очекува притисокот да се стабилизира за неколку часа
„ЗА НАС ПОМЛАДИТЕ БЕШЕ КАКО ТАТКО, ПОЧИВАЈ ВО МИР ДРАГ ПРОФЕСОРЕ“ - почина професорот Љупчо Арнаудовски
ТИЕ ШТО ИМААТ ВОДА ИМААТ, А ТИЕ ШТО НЕМААТ ДА НЕ БРЗААТ КОГА ЌЕ ДОЈДЕ - еве какви препораки даде Институтот за јавно здравје
ПРОФЕСОРОТ КОЖУХАРОВ Е 64 ГОДИШНИОТ СКОПЈАНЕЦ КОЈ БЕШЕ ПРОНАЈДЕН ПОЧИНАТ ВО АВТОМОБИЛ ВО РЕКА - немало видливи траги на насилство
ОБДУКЦИСКИОТ НАОД УШТЕ НЕ Е ГОТОВ, А СЕ БАРААТ И ДОДАТНИ ЛАБОРАТОРИСКИ АНАЛИЗИ - Обвинителството ја испитува смртта на скопјанецот кој со колата беше пронајден во река
„ТОЈ Е ВО АЛБАНИЈА, А НЕ НА КОСОВО, НО НЕ Е НИ ВАЖНО, СО БЕГСТВОТО ЈА ДОКАЖА ВИНАТА“ - Меџити со информации за Груби
ЗАСНЕЖИЈА ПОВИСОКИТЕ МЕСТА НА СКОЈПЕ, СНЕГ ЌЕ ИМА И НА ПЛАНИНИТЕ - ова е временската прогноза
