Кој плати 5,6 милиони евра за акции во „Гранит“ и зошто нив ги продаде „Сава пензиски фонд“?
Објавено во: Економија 19 Октомври, 2022 07:18
Продавач е најголемиот институционален инвеститор Сава пензиски фонд кој одлучи да ги продаде своите 7,5 отсто од акциите за 5,6 милиони евра. Нема јавна потврда за тоа кои се новите сопственици на овие акции затоа што се најмалку двајца и не го исполнуваат законскиот услов по кој мора јавно да се обелоденат новите сопственици
„Гранит“ продолжува да биде во фокусот на инвеститорската јавност. Друштвото кое управува со задолжителниот пензиски фонд на „Сава пензиски фонд“ потврди дека на аукција на 12 октомври ги продало сите акции во „Гранит“. Станува збор за 236.120 акции односно вкупно 8,3 отсто од сите акции во најголемата домашна градежна компанија. Секоја од овие акции е истргувана по цена од 1.450 денари.
Оваа трансакција доаѓа набрзо откако во претходниот период имаше повеќе купопродажби во кои менаџерите на „Гранит“ предводени од Страшо Милковски купија околу 2 отсто од сите акции.
Потегот што го направи задолжителниот пензиски фонд на „Сава“ е изненадувачки за инвеститорската заедница. Затоа што се знае дека институционален инвеститор има статегија „да влезе во акционерска структура и да чува“. Нивниот пристап никогаш не е агресивен и не купуваат на краток рок ниту на среден рок. Овој пензиски фонд во акционерската структура на „Гранит“ беше присутен барем пет години.
Дали можеби не се исполнети проекциите на „Сава пензиско друштво“ за очекуваните приноси од акциите во „Гранит“ или ова за нив било добра зделка во која остваруваат пристојна капитална добивка? Особено можеби затоа што во блиска иднина ќе се оданочуваат капиталните добивки?
„Фактор“ побара одговори на неколку прашања од овој институционален инвеститор и доколку ги добиеме тие ќе бидат објавени во целост.
Воедно „Фактор“ достави прашања и за менаџерите на „Гранит“ од семејството Милковски кои воедно се и најголеми акционери во најголемата македонска градежна компанија. Доколку добиеме одговори тие ќе бидат објавени во целост.
Повеќе детални податоци за последните крупни трансакции со акции на „Гранит“ на следните линкови https://faktor.mk/shto-se-krchka-vo-granit-koj-se-kupi-akcii-za-18-milioni-evra и https://faktor.mk/blek-frajdej-vo-granit-koi-direktori-kupija-akcii-za-650000-evra
Останува да лебди, во сферата на шпекулации, тезата дека катализатор на идни случувања во акционерската структура на „Гранит“ ќе биде најавениот мега-гранде (за македонски прилики н.з.) проект на „Бехтел & Енка“ во кој без тендери овој конзорциум ќе гради три автопатски делници и ќе му треба силен и капацитативен домашен партнер или подизведувач, а нема поспремен за тоа од македонски „Гранит“.
Р.Ф.* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
Хрватска е поскапа од Тоскана и Прованса, туристите се шокирани од цените
Димитриеска-Кочоска: Нема задолжување надвор од предвидените за годинава
Германија ја зголемува минималната плата од 1 јануари, компаниите најавуваат зголемување на цените и отпуштања
Германската Heidelberg Postpress бара стабилната деловна средина и квалификувани работници - ТИРЗ Скопје и Штип меѓу потенцијалните локации
Инженери на РМ: ВМРО-ДПМНЕ да ја повлече наплатата од 200 денари за пристап до мрежа, како што вети
