Кој си купи акции во компанија за марихуана по цена од едно евро за акција!!!????
Објавено во: Македонија 06 Август, 2021
Синцеритас АД Скопје е компанија од светот на производство и трговија со медицински канабис и ќе влезе во нашата корпоративна историја како прва компанија производител на медицински канабис чија акција се тргувала а нашата берза. Цената е едно евро за акција! Дали е багателна ??? Ќе покаже времето
Прва трансакција со акции на компанија за производство и трговија со медицинска марихуана во аналите на корпоративна Македонија! Вчера на нашата берза во една блок трансакција беа истргувани 190.400 акции со право на глас во скопското друштво Синцеритас АД Скопје. Цената за акција изнесуваше 1 евро.
Ова друштво, по претрагата на интернет, се занимава со производство и трговија на канабис за медицински цели (според следниов линк https://zk.mk/sinceritas?choice=V4 )
Според официјалните берзански податоци компанијата има основачки капитал поделен во 2,72 милиони акции. Тоа значи дека вчера тргуваните акции во основната главнина на друштвото учествуваат со 7,13 отсто.
Оваа компанија е на листата на берзанскиот Слободен пазар и за неа има многу помалку информации во споредба со друштвата чии акции се листани на Официјалниот пазар на берзата.
Според расположливи податоци од Централниот регистар, ова акционерско друштво во 2019 година завршило со загуба од 472.000 евра.
Според достапни податци од интернет страницата на ова акционерско друштво извршен директор е лицето Роберт Новески, кој воедно е потпишан и како основач на компанијата.
Македонската компанија има, веројатно, капитална поврзаност со германското друштво Синцеритас ГмбХ.
Последната достапна објава на веб страницата на Синцеритас АД е оглас за вработување е менаџер за проверка на квалитет поставен на страницата на 23 јули годинава.
Р.Ф.