Кока од Здравствен дом нов директор на МЕПСО, Дураки оди во М-Нав?

Добивај вести на Viber

Бесим Кока од ДУИ е најсериозен кандидат за иден директор на државната компанија за пренос на електрична енергија МЕПСО. Кока моментално е финансиски директор на Здравствен дом - Скопје, а во здравствените институции е речеиси две децении. 

На почетокот, во 2001 година, бил финансиски директор во старата Градска болница, сега „Универзитетска клиника за хируршки болести Свети Наум“ во време кога на чело на болницата беше Виктор Камиловски.

Кока е истакнат член на партијата, дел од крилото на Изет Меџити, поранешниот градоначалник на Чаир со кој се и во блиски роднински односи, односно Кока му е зет на Меџити.

Ако Кока замине, според нашите информации во Здравствен дом Скопје повторно ќе биде назначен кадар на ДУИ на местото финансиски директор.

Фактор веќе објави дека во новата распределба на директорски места ДУИ ги добива МЕПСО, М-НАВ, Малмед. 

Според нашите информации можно е на чело на М-НАВ институција која раководи со контролата на летање да застане Садула Дураки, поранешниот министер за животна средина и просторно планирање и екс вицепремиер за политички систем.

А.Б. - А.Т.