КОЛКУ ПАРИ ДОЛЖИ ГРАД СКОПЈЕ - ВМРО-ДПМНЕ која ја презеде новата градска власт тврди дека се 160 милиони евра, СДСМ демантира

Добивај вести на Viber

Од најголемата опозициска партија ВМРО-ДПМНЕ, испратија известување до јавноста во кое тврдат дека бившиот градоначалник Петре Шилегов, за време на неговиот мандат, направил долг од речиси 160 милиони евра.

Вкупно по сите основи Шилегов на градот му оставил давачки во висина од 158.196.797 евра. Дополнително покрај сите овие долгови, Шилегов ги потрошил и парите од продажбата на градската куќа, за кои уште не знаеме каде завршиле – велат од ВМРО-ДПМНЕ

На ова реагираа од СДСМ. Велат дека ВМРО-ДПМНЕ не може да ја покрие неспособноста на Арсовска со лажни податоци.

„Не се точни пласираните информации за долгот, тоа е уште една лага“, се вели во партиската реакција.

„Тотална неспособност покажува Данела Арсовска во првите два месеци од мандатот.

Арсовска и ВМРО-ДПМНЕ наместо да се фатат за работа секојдневно бараат алиби за нивната неспобност.

Прекинат проект за Бас рапид транзит, прекината изградба на два моста, поништен оглас за вработување на пожарникари, Скопје во сообраќаен хаос, тоа е „успесите“ на Арсовска и ВМРО-ДПМНЕ во првите два месеца.

Дури и градоначалници од нејзината коалиција се жалат на неспособноста на Арсовска“, пишуваат од СДСМ во своето партиско соопштение.