25 Март, 2019
0.0184

Констатирана ниска култура и толеранција на социјалните мрежи во Македонија

Објавено во: Македонија 26 Април, 2018

Во Македонија има ниска медиумска и политичка култура на социјалните медиуми. Најчести проблеми на социјалните мрежи се нетолеранцијата, говорот на омраза, дезинформирањето и лажните вести, а за да се спречи оваа појава потребно е паралелно да се работи и на планот на комуницирањето и на културата и менталитетот. 

Ова се заклучоците од денешната конференција „Права и обврски при комуницирање на интернет“, на која се говореше за тоа како се употребува и злоупотребува слободата на изразување на Интернет. 

Сеад Џигал, експерт за медиумска писменост и социјални медиуми, вели дека влијанието на телевизијата е се уште големо, односно околу 80 проценти од граѓаните се информираат преку телевизијата, додека двојно помалку, иако таа бројка расте, 45 до 50 отсто од луѓето се информираат преку Интернет. 

- Телевизиите и весниците веќе се интегрираат со онлајн платформите, и преку нив се обидуваат да го зголемат досегот на своите информации. Информирањето преку телевизии и информирањето преку Интернет ќе се претопат во еден нов вид интегрирано информирање, каде што дигиталните уреди кои сите ги користиме ќе бидат примарен канал од кои што ќе добиваме информации и токму во тој контекст треба да се стави подемот на социјалните мрежи, вели тој. Според него, Интернетот во информирањето нема да ја престигне телевизијата, туку тие ќе се интегрираат во една дигитална платформа и во тој контекст треба да се гледаме сериозноста на влијанието на социјалните мрежи. 

Оцени дека во Македонија најчести проблеми на социјалните мрежи се нетолеранцијата каде доминира политичката, верска, етничка, нетолеранција, говорот на омраза, дезинформирањето и лажните вести. 

- Комуникацијата произлегува од општеството, општеството е базирано на културата, така што мора паралелно да се работи и на планот на комуницирањето и на културата и менталитетот, рече Џигал и додаде дека е потребно и поддршка од граѓанскиот сектор во дополнителното и неформално образование, професионални медиуми...

Стандардите на Советот на Европа во однос на слободата на изразување онлајн и механизмите за заштита што функционираат во европските земји ќе ги претстави Надиа Беларди, експертка на Советот на Европа за прашања поврзани со слободата на изразување. Според неа, во дигиталните медиуми се случува своевиден „информативен неред“, односно социјалните медиуми се комерцијални сервиси наменети на монетизација на ангажманот и податоците на корисниците. Вели дека пропагандата отсекогаш постоела, но сега се шири побрзо и е поштетна. 

- Медиумските организации не прават доволно за да ги заштитат новинарите таргетирани од говорот на омраза, а „лошите закони“ кои го регулираат говорот на омраза може лесно да се злоупотребат и да се користат за ограничување на слободата на медиумите, вели Беларди. 

Конференцијата се организира во рамки на заедничкиот проект на ЕУ и на Советот на Европа - „Зајакнување на судската експертиза за слободата на изразување и за медиумите во Југоисточна Европа (JUFREX)“. 

Можеби ќе ве интересира

ФОКУС НА ДЕНОТ: Заев повика граѓаните да го следат дуелот, познати рејтинзите на претседателските кандидати

ФОКУС НА ДЕНОТ: Заев повика граѓаните да го следат дуелот, познати рејтинзите на претседателските кандидати

Aнкетата покажува кој ќе ја однесе победата во вториот круг

Aнкетата покажува кој ќе ја однесе победата во вториот круг

Како би гласале албанските гласачи на претседателските избори?

Како би гласале албанските гласачи на претседателските избори?

AНКЕТА: Пендаровски и Силјановска скоро изедначени?

AНКЕТА: Пендаровски и Силјановска скоро изедначени?

Како ќе се надминат разликите со Грците околу учебниците?

Како ќе се надминат разликите со Грците околу учебниците?

(ФОТО) Црн чад и денес се издига над скопско Ново Лисиче

(ФОТО) Црн чад и денес се издига над скопско Ново Лисиче

Заев: Утре гледајте, ќе биде интересно со Мицкоски

Заев: Утре гледајте, ќе биде интересно со Мицкоски

За што разговараше Мицкоски со независната пратеничка група на ВМРО-ДПМНЕ?

За што разговараше Мицкоски со независната пратеничка група на ВМРО-ДПМНЕ?

Ги „фрливме“ дебелите јакни, ама времето пак ќе се смени

Ги „фрливме“ дебелите јакни, ама времето пак ќе се смени