КОНТРОВЕРЗНИОТ НЕФИ УСЕИНИ МУ БЕШЕ „ДОМАЌИН“ НА МИНИСТЕРОТ - фотографии објави самиот Бектеши
Објавено во: Македонија 22 Мај, 2022
Нефи Усеини, советник во општина Охрид, околу чие има постојано има бројни контроверзи, го придружуваше министерот за економија Крешник Бектеши денеска во посетата на охридско струшкиот регион.
Инаку, за Нефи Усеини има обвинение за напад со пиштол и истраги за две дивоградби. Како што пишува ТВ Телма, Нефи Усеини го прошета министерот по градот, а Бектеши беше гостин и во неговата пицерија за која пред повеќе години беше отворена постапка за дивоградба на терасата на објектот.
Бектеши беше во Охрид и во Струга за да ја промовира новата мерка и законска измена со која во туристичките региони ќе се релаксира правилото за недела работен ден. Изјавата ја даде во присуство на струшкиот градоначалник Рамиз Мерко.
Фотографиите на Бектеши со Нефи Усеини ги објави самиот министер на својот службен ФБ профил.
Усеини и на последните локални избори беше избран за советник во Охрид од ДУИ, а според веб сајтот на општината, тој е член на општинската статутарно-правна комисија и на Комисијата за заштита на животната средина.