Копилотова тајна – Ги цепкал „лудачките докази“ на парчиња за болеста која ја криел!

Добивај вести на Viber

Германски обвинители објавија  дека откриле докази според кои најмладиот пилот на „Germanwings“, осомничен дека извршил самоубиство или убиство со замисла и намерно го урнал авион со 150 патници, бил болен.

Тие не откриваат што е болеста на Андреас Лубиц, но објаснуваат дека тој ја прикрил од работодавците.

„Конфискувани документи со медицинска содржина покажуваат дека имал болест и ни покажуваат кое било лекувањето од страна на лекарите“, велат од обвинителството во Дизелдорф, каде пилотот живеел.

„Фактот дека постојат цепкани на парчиња болнички листови, во кои меѓу другото е кажано дека тој не е во состојба да работи - сосема нови и дури на денот на злосторството - ја одржуваат верзијата од прелиминарната истрага, дека тој ја криел болеста од работодавачот и од своите колеги.“

Обвинителите дополнуваат дека документите се откриени при претресите во станот на Лубиц во Дизелдорф и неговиот дом во Мантабаур во провинцијата Рајнска област-Пфалц.

Според нив нема знаци за какви и да е политички или религиозни мотиви зад активностите на пилотот на „Airbus А320“ од летот 4U9525, кој во вторникот се урна во Француските Алпи.