Корејците се од религиозен култ, Министерството не одобрило да „пропагираат“ во училишта

Добивај вести на Viber

Во јавноста стана познати по ксенофобичните изјави кон нив од скопјанец кој снимајќи ги во Скопје им довикуваше да си одат од земјава, ги бркаше и им викаше „короништа“ оти ако се од Кина овде ни го носат коронавирусот. Чинот кои го осудија многумина, речиси сета јавност носеше и извинување кон четворицата кон кои беа упатени овие навреди. Се извинија од Министерството за надворешни работи, градоночалникот на Скопје Петре Шилегов. Фактор дозна дека тие впрочем и не се од Кина туку од Јужна Кореа и се членови на невладина организација, а во Свети Николе одржале предавање за мир толеранција и разбирање.

Кореанците се членови на невладината организација „Heavenly Culture World Peace Restoration of Light (HWPL) и тие во основните училишта во Свети Николе одржале работилници на тема „Мир, толеранција и меѓусебно разбирање“ со ученици од 7,8,12 и 13 години. Градоначалникот на Свети Николе Сашо Велковски на фејсбук објави дека членовите на невладината дури ги наградиле учениците со подароци.

„Исто така при посетата беа договорени понатамошни активности кои ќе се развиваат со меѓусебна соработка, стои во објавата на градоначалникот.

Која е невладината „Heavenly Culture World Peace Restoration of Light (HWPL) и со што се занимава? Нејзин водач, како што стои на интернет страницата е Man Hee Lee кој пак е корејски религиозен лидер. Тој е основач и на Shinchonji Church of Jesus the Temple of the Tabernacle of the Testimony - Јужнокорејска кристијанска група која беше обвинета дека е религиозен култ, а водачот тврди дека Исус Христос се појавил пред него како фигура. Лее беше обвинет дека е „лажен проповедник“

Денеска на социјалните мрежи имаше реакции дека оваа група воопшто и не требало да одржува предавање во домашните основни училишта. Кој дал дозвола и дали некој следи што се случува особено што во некои земји активностите на оваа невладина се забранети?

Од Министерството за образование и наука за Фактор велат дека претставници на невладината од Јужна Кореа биле во Министерството и одржале еден состанок со нив. Сепак се оградуваат дека тие дале дозвола за проекти од ваков тип и велат дека секако сите проекти кои се одржуваат во училишта ги добрува Бирото за развој на образованието.

„Претставници на невладината организација од Јужна Кореја чија мисија е пропагирање на светски мир и межусебна почит и толеранција беа во МОН. Одржан е еден првичен состанок на кој тие ги претставија нивните цели и идеи, но организацијата комуницира непосредно со општини кои пројавиле интерес за соработа. Така што МОН не располага со повеќе информации колу нивниот ангажман и реализирани активности на локално ниво, стои во одговорот од Министерството.

А.Т.