25 Септември, 2020
0.0283

КОРОНАВИРУСОТ ГИ ЗАГРИЖИ КУМАНОВСКИТЕ ЧЕВЛАРИ: Будно следат што се случува во Италија

Објавено во: Македонија 26 Февруари, 2020

Кумановските чевлари се загрижени затоа што коронавирусот се шири на италијанско тло, и велат дека каква било блокада на увозот или извозот ќе има штетни последици по нивното работење.

Лидија Милановска, претседателка на Здружението на чевлари вели дека околу 10 отсто од кумановските фирми извезуваат за Германија, а остатокот за Италија. Овие денови будно следат што се случува со коронавирусот, и велат дека идните денови ќе имаат појасна слика. Се надеваат на добри вести, но спротивно можно е да делат откази.

„Ние имаме соработници претежно во јужна и централна Италија, а коронавирусот се појави во северниот дел, иако и таму имаме соработници, но сепак се малку. Повеќето фабрики се во околината на Рим. Засега немаме некои најави во однос на нашето работење, но ако се случи некоја блокада, ќе имаме штети, ќе мора работниците да ги отпуштаме, затоа што и меѓу сезона тешко се издржува. Како ќе исплатиме плати ако не работиме? Италија ни е пазар број еден“, додава Милановска.

Во Куманово има околу 50 фирми кои се занимаваат со производство на чевли, а во овој сектор работат над 1.400 работници.

Ако состојбата со опасниот вирус ескалира, тоа ќе биде удар за овие компании. 

За чевларите проблем е што опасниот вирус се појави во Кина, бидејќи од оваа земја во други држави се  увезуваат потребните репроматеријали. 

Бројот на жртви во Италија се искачи на 11, откако во Ломбардија се потврдени уште четири смртни случаи од коронавирусот. 

Се зголеми и бројот на инфицирани, односно 322-ца луѓе. Освен во северниот дел на Италија, коронавирусот е регистриран и на југот од земјата. Во Тоскана е регистрирано едно заболено лице, исто како и во Палермо и во Лигуриа.

Италија останува најголемото жариште во Европа. 

Првите случаи се регистрирани и во Хрватска, Австрија и Швајцарија. 

Сања Атанасовска

Можеби ќе ве интересира

Жозе Мурињо ја посрамоти Македонија откако откри дека голот на арената „Тоше Проески“ е понизок за 5 см.

Жозе Мурињо ја посрамоти Македонија откако откри дека голот на арената „Тоше Проески“ е понизок за 5 см.

Заев: Ќе има одговорност и соодветна казна за бруталноста на полицајците во Битола

Заев: Ќе има одговорност и соодветна казна за бруталноста на полицајците во Битола

Словенечкиот претседател ќе се поклони на гробот на Гоце Делчев

Словенечкиот претседател ќе се поклони на гробот на Гоце Делчев

Каде потфрли здравствениот систем во Македонија: Се чека анализата од клиниките за високата смртност од ковид

Каде потфрли здравствениот систем во Македонија: Се чека анализата од клиниките за високата смртност од ковид

СКЛУЧУВАЊЕТО БРАКОВИ ОСТАНУВА ЗА НЕКОИ ПОДОБРИ ВРЕМИЊА: Поради пандемијата за 70 отсто помалку регистрации

СКЛУЧУВАЊЕТО БРАКОВИ ОСТАНУВА ЗА НЕКОИ ПОДОБРИ ВРЕМИЊА: Поради пандемијата за 70 отсто помалку регистрации

Еден полицаец тешко повреден на главата, друг во стомак - дел од напаѓачите кај Степанци уапсени

Еден полицаец тешко повреден на главата, друг во стомак - дел од напаѓачите кај Степанци уапсени

Земјотрес е почувствуван во Македонија

Земјотрес е почувствуван во Македонија

Мизрахи: Ставот на СДСМ дека сум опасност за европската перспектива е како оној на Хитлер

Мизрахи: Ставот на СДСМ дека сум опасност за европската перспектива е како оној на Хитлер

ФАКТОР НА ДЕНОТ: Каракачанов тврди дека Бугарија ќе каже „не“, денес нови 152 заразени со коронавирусот

ФАКТОР НА ДЕНОТ: Каракачанов тврди дека Бугарија ќе каже „не“, денес нови 152 заразени со коронавирусот