КОРПОРАТИВНО РОПСТВО, 60 ЧАСОВНА РАБОТНА НЕДЕЛА: Не стивнуваат реакциите на Левица по измените на законот зa работни односи
Објавено во: Македонија 28 Мај, 2023 08:47
Левица со остри
коментари и два дена по изгласувањето на измените на Законот за работни односи.
Цени дека станува збор за најголемиот грабеж на 21-от век, што го спроведува
Владата.
-Штотуку на шверцерски начин и со европско знаменце помина пакетот погубни законски измени кои државата ја потчинуваат на КОРПОРАТИВНА ДИКТАТУРА. Македонските работници ќе работат 12 часа дневно, 6 дена во неделата - што значи МИНИМУМ 60 часа робување на корпоративни интереси на американски конзорциум Бехтел и Енка - кој градејќи ги коридорите 8 и 10, ќе ги истошти нашите работници и ќе ја испразни државната каса.
Со 6 664 амандмани Левица го блокираше овој пакет закони и на овој начин ќе се ставеше крај на обидите за поробување на работниците и истиснување на државните пари - но, без правна основа Владата реши да ги злоупотреби инструментите за усогласување со европската легислатива - со европско ЗНАМЕНЦЕ антицивилизациски и анти-европски.
Стануваме апсолутен рекордер во светот. Досега, тоа беше Мавританија со 54 часа, по која следат Египет со 53, Гамбија со 51 и Буркина Фасо со 50 часа. Но, Владата на СДС и ДУИ воведе 12 часовно работно време, шест дена во неделата! Тоа значи дека, луѓето кои ќе работат, ќе бидат физички исцедени и ќе немаат време да ги обноват физичките капацитети за да продолжат нормално да живеат. Уставот вели дека секој работник има право на платен дневен, неделен и годишен одмор. Од овие права работниците НЕ МОЖЕ ДА СЕ ОТКАЖАТ.
Помеѓу силниот и слабиот, слободата е таа која угнетува, а законот е тој кој ослободува. Сега имаме ситуација, законот да ги поробува работниците, наместо да ги ослободува!
Левица нема да дозволи на овие грабливци и злосторници без отпор да се богатат на грбот на работниците. На борбените линии против паразитите од СДС и ДУИ нѐ обединува класниот и националниот интерес - спротиставени на нелегитимните рехабилитатори на фашизмот и острицата на корпоративната диктатура, наведува партијата во објавата на Фејсбук.
Можеби ќе ве интересира
Желјазков: Немаме нерешени билатерални прашања со Република Северна Македонија
Петре Шилегов бара оставка од лидерот на СДСМ, Венко Филипче
Арсовска од медиумите дознала дека треба да пријави имотна состојба, ја обвини ДКСК за јавен линч
Собранието го изгласа пакетот закони потребни за целосно функционирање на системот „Безбеден град“
Собранието донесе Резолуција за осуда на манипулациите на опозицијата и за потврда на политиките против нелегалната миграција
Грчкото МНР реагира за изјавата на Мицкоски: Секој обид за фалсификување или менување на содржината на Договорот oд Преспа нема да биде прифатен
„Кој има две блузи, нека даде една на оној што нема ниедна“: Празнична солидарност на дело - Велешани со пример за цела Македонија
Наводите за привилегии за тендерите се неточни, велат од Владата по обвинувањата за давање милионски тендери
