Коста Петров урива рекорди – 14 издание на „Се гледаме на врвот“ и 9 на „Стравот“
Објавено во: Мои пари 17 Април, 2019 10:29
Најчитаниот македонски автор, Коста Петров, кој веќе неколку години се наоѓа на врвот на домашните топ-листи, деновиве го доби своето рекордно 14 издание од својата прва книга „Се гледаме на врвот“, како и деветтото издание од „Стравот“, двете објавени во издание на Издавачки центар ТРИ од Скопје.
Коста Петров е автор на четири книги – „Се гледаме на врвот“, „Стравот“, „Нашето последно кафе“, „Никој не рече дека ќе биде лесно“ – кои се континуирано во фокусот на интересот на македонските читатели од сите возрасти. Тој успеа да ги надмине сите рекорди на продажба и во бројот на изданија со над 35.000 продадени примероци за само шест години. Бројките се потврда за несомнениот квалитет на Коста Петров како автор и неговата умешност да инспирира илјадници луѓе да тргнат по патот кон успехот и да се соочат со сите предизвици што тој ги носи.
Потврда за популарноста на Коста Петров се и признанијата за најчитан автор кои ги доделува библиотеката „Браќа Миладиновци“ од Скопје, со кои се стекна во 2015 и 2017 година.
Деновиве Коста Петров е актуелен и како автор на текстот на нашата евровизиска песна „Прауд“, што на Евровизискиот фестивал во Израел ќе ја изведе Тамара Тодевска.
Можеби ќе ве интересира
Никотински ќесички како модерна еволуција на снус без тутун
Мало отрезнување за акциите со вештачка интелигенција
Просечната цена на струјата на HUPX берзата за 19 декември изнесува 134,46 евра за мегават час, на МЕМО 154,75 евра за мегават час
Првпат во Македонија: Во „Аџибадем Систина“ изведена имплантација на вештачки колк кај 14-годишно дете
Поддршка што создава иднина – КС Групација со нови студентски стипендии
„AI Bubble or AI Double“ – инвестиции, ризици и можности во ерата на вештачката интелигенција
MINT Ins донира училишен прибор за учениците во ОУ „Елпида Караманди“
