Ковачевски: Предлогот е во рамките на нашите црвени линии, за бугарските медиуми не можам да коментирам

Добивај вести на Viber

Процесот на широки консултации продолжува, изјави премиерот Димитар Ковачевски, по средбата со коалиционите партнери во Владата. Премиерот рече дека сите претседатели на политичките партии од коалицијата имале државнички став по прашањето за францускиот предлог.

- Дискусијата на состанокот беше конструктивна, сите дискусиии беа државнички. За се она што го имавме пред нас како обврска да го заштитиме и да обезбедиме иднина на државата, сите претседатели го кажаа својот став. Сите имаа државнички став, можам слободно да кажам. Процесот продолжува по оваа прес-конференција. Со состаноци со претседателот на државата, а потоа следи координација со претседателот на Собранието за процесот да продолжи таму, рече Ковачевски и додаде дека ќе има уште еден состанок на кој ќе се изгради заеднички став.

Тој потврди дека францускиот предлог, согласно стратешките интереси на земјата за членство ЕУ, треба да биде прифатен, односно изгласан во Собранието. 

- Не можам да ја коментирам автентичноста на она што е напишано во бугарските медиуми, дел велат дека има, дел дека нема разлики. Но треба да знаете дека бугарскиот парламент донесе нова резолуција во однос на претходната која беше рестриктивна и тоа овозможува кревање на ветото. Ова е предлог кој ќе оди во Собранието согласно нашето уставно уредување, одговори Ковачевски на новинарско прашање.

За вицепремиерот за евроинтеграции, Бојан Маричиќ, преговарачката рамка нема да биде оптоварена со историски прашања околу спорот со Бугарија.

- До порвата меѓувладина конференција со ЕУ, најважно е Владата да ја прифати преговарачката рамка. Во моментот кога ние сите ќе се согласиме, понатаму ќе се разговара за следните чекори. Тоа е многу важен документ, кој претставува основа за понатамошно пристапување во ЕУ.  Добро е таму што ги немаме историските прашања, кои би го оптповариле овој процес, истакна Маричиќ.

Ковачевски пред медиумите рече дека позицијата денеска е далеку попопволна за нас и дека се задржани македонските црвени линии. 

- Процесот е транспарентен и ќе споделиме јавни детали. По оваа средба целиот предлог ќе биде објавен на веб страната. Одлуката за нашата иднина ќе ја донесеме ние на принцип на заеднички позиции и мериторна основа согласно стратешките пзоиции на земјата, убедува премиерот.

А.К.