12 Август, 2022
0.0246

Ковачевски: Универзитетот „Свети Кирил и Методиј“ е достоен продолжувач на визијата и просветителското дело на светите браќа

Објавено во: Македонија 24 Мај, 2022

Добивај вести на Viber

Претседателот на Владата на Република Северна Македонија, Димитар Ковачевски упати телеграма со честитки по повод патрониот празник до ректорот на Универзитетот „Свети Кирил и Методиј“ во Скопје, проф. д-р Никола Јанкуловски.

Во телеграмата со честитки по повод 24 Мај – Денот на сесловенските просветители Свети Кирил и Методиј, на ректорот и на деканите, продеканите, професорите, сенаторите и на сите студенти им го честита патрониот празник на Универзитетот „Св. Кирил и Методиј“ кој е нераскинлив дел од историјата на Северна Македонија како прв државен универзитет во нашата земја.

Во продолжение на соопштението, ви ја пренесуваме содржината од телеграмата со честитки до УКИМ во целост:

„Почитуван ректор на УКИМ проф. д-р Никола Јанкуловски,

Дозволете ми во мое лично име и во име на Владата на Република Северна Македонија вам како ректор на Универзитетот „Свети Кирил и Методиј“ во Скопје, на деканите, продеканите, професорите, сенаторите и на сите студенти да ви го честитам 24 Мај, Денот на сесловенските просветители, Светите браќа Кирил и Методиј и патрониот празник на УКИМ.

Универзитетот „Св. Кирил и Методиј“ е нераскинлив дел од историјата на Северна Македонија како прв државен универзитет во нашата земја.

УКИМ ја исполнува својата мисија на еден од столбовите на нашата државност и како достоен продолжувач на визијата и просветителското дело на Светите браќа Кирил и Методиј.

За одбележување е посветеноста на УКИМ во негувањето и чувањето, но и на меѓународната афирмација на вредности на македонскиот народ и македонскиот јазик, на нашата историја, литература и култура, како и на културните вредности на сите други етнички заедници во Северна Македонија.

УКИМ е автономен вруток на знаењето, науката и образованието, обезбедува наставна, научна и апликативна дејност во природно-математичките, техничко-технолошките, медицинските науки и здравството, биотехничките, општествените и хуманистичките науки и во уметностите.

Ве уверувам дека јас како Премиер, и оваа Влада, остануваме посветени на активната поддршка на развојот на универзитетската и на образовната дејност.

Со Колективниот договор за високо образование и наука минатата година го уредивме системот на плати во високото образование и ги оттргнавме неизвесностите на кои со години беа изложени научниот, наставниот и ненаставниот кадар во високото образование.

Нека ни е честит и вековит 24 Мај, Денот на сесловенските просветители, Светите Кирил и Методиј!

Нека е честит патрониот празник на УКИМ!“.


Можеби ќе ве интересира

ФАКТОР НА ДЕНОТ: Mигрантот не е заразен со мајмунски сипаници, а кичевчанецот не сакал да се тестира

ФАКТОР НА ДЕНОТ: Mигрантот не е заразен со мајмунски сипаници, а кичевчанецот не сакал да се тестира

Тетовецот кој бараше разголени фотографии од девојче заврши во притвор

Тетовецот кој бараше разголени фотографии од девојче заврши во притвор

Николоски го обвини Пендаровски дека се поклонил пред лажна плоча во Прохор Пчињски

Николоски го обвини Пендаровски дека се поклонил пред лажна плоча во Прохор Пчињски

Лице во струшко ограбило и се обидело да силува странска државјанка

Лице во струшко ограбило и се обидело да силува странска државјанка

ОВА НЕ Е НОВ КОВИД, НЕМА МЕСТО ЗА ПАНИКА: Пациентот на Инфективната клиника е негативен на мајмунски сипаници

ОВА НЕ Е НОВ КОВИД, НЕМА МЕСТО ЗА ПАНИКА: Пациентот на Инфективната клиника е негативен на мајмунски сипаници

Директорот Хасипи уверува дека свидетелства ќе има навреме за учениците

Директорот Хасипи уверува дека свидетелства ќе има навреме за учениците

Регистрирани се нови 600 заразени со корона и 10 починати

Регистрирани се нови 600 заразени со корона и 10 починати

МИГРАНТ ОД СИРИЈА СО ОСИП НА КОЖАТА Е ХОСПИТАЛИЗИРАН НА ИНФЕКТИВНА: Д-р. Капсаров подетално за состојбата на пациентот суспектен на мајмунски сипаници

МИГРАНТ ОД СИРИЈА СО ОСИП НА КОЖАТА Е ХОСПИТАЛИЗИРАН НА ИНФЕКТИВНА: Д-р. Капсаров подетално за состојбата на пациентот суспектен на мајмунски сипаници

БИДЕТЕ КРАЈНО ВНИМАТЕЛНИ ОД ДЕНЕСКА ПА ДО КРАЈОТ НА НЕДЕЛАВА - пороен дожд, грмежи и засилен ветер се најновите прогнози

БИДЕТЕ КРАЈНО ВНИМАТЕЛНИ ОД ДЕНЕСКА ПА ДО КРАЈОТ НА НЕДЕЛАВА - пороен дожд, грмежи и засилен ветер се најновите прогнози