КРИЗА ЗА ХРАНА: Децата во Газа се во тешка сиромаштија
Објавено во: Свет 20 Февруари, 2024
Гладува населението во Газа. Во извештајот на Обединетите нации од декември 2023 година стои дека целото население на Газа од околу 2,3 милиони Палестинци е во криза со храна, при што дури четвртина од населението се соочува со глад.
Повеќе од 80 отсто од домаќинствата во Газа немаат здрава вода за пиење, а просечното домаќинство има на располагање само еден литар вода по лице дневно.
Повеќе од 90 отсто од децата на возраст под пет години во Појасот Газа секојдневно се прехрануваат со два или помалку видови намирници. Ова се услови на тешка сиромаштија.
Сличен процент од децата заболеле од заразни болести, при што 70 отсто од децата страдале од дијареа во последните две седмици.
Во градот Рафах во јужниот дел на Појасот Газа, каде што пристигнува најмногу хуманитарна помош, стапката на акутна исхранетост е пет отсто, во споредба со 15 отсто во северниот дел на палестинската енклава, која е изолирана од израелската армија и во голема мера отсечена од хуманитарни помош со месеци.
Во извештајот на Глобалниот кластер за исхрана се вели дека пред војната, стапката на неисхранетост низ Газа била помала од еден процент.
Палестинската терористичка група Хамас лани на 7 октомври го нападна Израел со барање за формирање на независна држава Палестина, со главен град Ерусалим.