Кумановец пропаднал до гуша во тиња, го спасувале кумановски пожарникари
Објавено во: Македонија 08 Јули, 2024
Центарот за управување со кризи објави дека утрово имало спасувачка акција на реката Пчиња, каде што човек пропаднал до гуша во тиња и кал. Го спасувале кумановските пожарникари.
- Акцијата беше драматична, човекот беше пропаднат буквално како во жив песок. Ситуацијата беше опасна и затоа извлекувањето траеше неколку часа. Додека траела акцијата, тој цело време пропаѓал надолу, се до рамењата и вратот, извести утрово Илија Бојаровски, гласноговорникот на ЦУК.
Лицето било еден километар пренесувано на раце за да биде предаден на итната медицинска помош.Несреќникот бил едвај контактибилен кога бил извлечен, а потоа бил примен во кумановската болница.