16 Јануари, 2019
0.2481
    ALK 8404.21    0.13%     GRNT 835.34    0.55%     KMB 5352.34    -0.67%     MPT 50186.9    -0.59%     MTUR 5100    0%     OHB 6700    0.63%     OKTA 4500    0%     REPL 73000    0.69%     STB 1266.75    0.31%     UNI 2083.05    -0.8%

Лазарополе е на високо, но воздухот и таму е загаден?

Објавено во: Македонија 07 Ноември, 2018

Иако Лазарополе се наоѓа на надморска височина од 1350 метри, сепак има денови кога воздухот е загаден.

Во ова село во Западна Македонија во петокот имаше 31 ПМ честичка на 100 микрограми. Во понеделник според апликацијата Мој воздух, на 100 микрограми имало 41 ПМ честичка, a во вторник 52 ПМ честички на 100 микрограми. И според мерењата на Министерството за животна средина, во Лазарополе воздухот деновиве бил ниско загаден.

Од невладините организации сметаат дека најверојатно греењето на дрва е фактор кој доведува до загадување. 

„Ако се работи за микро загаденост, тоа е најчесто поради тоа што луѓето во селата се грејат на дрва или во околината можеби има некоја депонија, која се пали, и од тоа се јавува загаденост на воздухот“, смета Антонио Јовановски од невладината организација Go green.

Љубица Балојани, претседателка на „Еко жена“ од Битола вели дека факторот кој доведува до таа мала загаденоста на воздухот или е греењето на дрва, или ветерот ги разнесува штетните честици од општините во полошко кои се постојано загадени.

Скендер Аме од Дебар, кој е претседател на здружението на сточари Даши, и редовно го посетува овој крај затоа што таму има свои стада, вели дека фабрики нема, но и депонии нема.

„Таму има дваесетина куќи со жители, а во лето се повеќе, доаѓаат луѓето во викендици. Се работи за мало население, ѓубре нема, но тие што се таму се грејат на дрва“, вели Аме.

Од Министерството за животна средина велат дека мерната станица во Лазарополе е поставена 2004 година. Се наоѓа на 1333 метри надморска височина, претставува рурална позадинска станица и станица  која го следи прекуграничното загадување на воздухот. 

„Согласно направената оценка на квалитетот на воздухот на ова мерно место се евидентирани ниски концентрации на загадувачките супстанци. Единствено во текот на летниот период при зголемена сончева радијација, најчесто е надмината целната вредност за озон, што е нормално и карактеристично за области со поголема надморска висична. Генерално, оваа станица е репрезент на руралните области кои се карактеризираат со чист воздух. На 31.10 и 01.11.2018 година се бележи надминување на среднодневната гранична вредност за РМ10 од 50 микрограми на метар кубен и тоа на 31.10.2018 е измерена среднодневна концентрација на РМ10 од 72.82 микрограми на метар кубен, додека на 01.11.2018 година 78.73 микрограми на метар кубен. Веќе од 02.11.2018 се бележи тренд на намалување на концентрацијата на РМ10 и тие се под дефинираната среднодневната гранична вредност. Овие забележани повисоки концентрации на РМ10 се должат на засиленото струење на воздухот од југ, што допринесува за транспорт на прашина од пустинските делови на Африканскиот континент. Оваа состојба беше и најавена во временската прогноза од Управата за хидрометеоролошки работи, на 30.10.2018 година“, велат од Министерството за животна средина.

Големите градови во Македонија се соочуваат со сериозно аерозагадување. Тука спаѓаат Скопје, Тетово, Куманово, а повремено и Струмица. Пред неколку дена Скопје беше 6 најзагаден град во светот, и се најде на листата на air visual, a вчера 8 на листата беше хрватскиот главен град, Загреб.

Сања Атанасовска

фото Википедија

Можеби ќе ве интересира

То Вима: Ратификација на Преспанскиот договор може и со мнозинство од присутните

То Вима: Ратификација на Преспанскиот договор може и со мнозинство од присутните

Хоџа: Владата нема конкретна сума за финансиските импликации за Законот за јазиците

Хоџа: Владата нема конкретна сума за финансиските импликации за Законот за јазиците

Димовски до власта: Mора да се почитува редот во Собранието

Димовски до власта: Mора да се почитува редот во Собранието

Владата им дели функции за возврат на оставките во ДИК

Владата им дели функции за возврат на оставките во ДИК

НЕМИЛ НАСТАН: 54 годишен Македонец починал во Банско

НЕМИЛ НАСТАН: 54 годишен Македонец починал во Банско

ВМРО-ДПМНЕ повика на бојкот на Законот за употреба на јазици

ВМРО-ДПМНЕ повика на бојкот на Законот за употреба на јазици

УПОЗ: Да се воведе седумчасовен работен ден а 2 Јануари и 2 Мај повторно да бидат неработни денови

УПОЗ: Да се воведе седумчасовен работен ден а 2 Јануари и 2 Мај повторно да бидат неработни денови

ФОТО: Вице Заев бара 500 евра од Николоски: Го навредил и му нанел душевна болка

ФОТО: Вице Заев бара 500 евра од Николоски: Го навредил и му нанел душевна болка

УТРИНСКИ ФОКУС: Скап законот за јазици, европско знаменце за Антикорупциска, Брегзит ја здрма Тереза Меј

УТРИНСКИ ФОКУС: Скап законот за јазици, европско знаменце за Антикорупциска, Брегзит ја здрма Тереза Меј