Лажен доктор на Клиника за ортопедија му одзел пари на човек којшто се грижел за својата болна сопруга
Објавено во: Македонија 17 Мај, 2018
Скопјанец со иницијали Б.В. (63) вчера пријавил дека околу 13 часот во Комплексот клиники „Мајка Тереза” бил измамен од непознат сторител.
Тој кажал дека додека чекал со неговата сопруга во Одделот за ортопедија, непознато лице му се претставило како доктор вработен во клиниката и почнал да му објаснува за болеста на неговата сопруга.
Лицето му понудило дека може да им помогне да ја забрза процедурата за терапијата, по што на Б.В. му земало 12.000 денари. Откако лицето ги земало парите не се вратило повеќе.
Истрагата е во тек.