Ле Пен: Грција да преговара со ЕУ за излез од еврозоната

Добивај вести на Viber

Лидерката на францускиот Национален фронт Марин Ле Пен изјавила дека Грција треба да преговара со Европската унија за координирано излегување од еврозоната и дека гледа ризик од непопуларност за властите во Атина, ако се прекине политиката за штедење.

Ле Пен го поддржа во јануари доаѓањето на власт на СИРИЗА, бидејќи според неа се што придонесува за отворање на дебатата за економиите на земјите и ЕУ е позитивно.

Лидерката на крајнодесничарската партија изјавила во интервју за грчката телевизија „Мега“, дека единствената иднина за земјата е излез од еврозоната.

„Грците треба да вратат својата национална валута“, изјавила Ле Пен.

Ле Пен, предупреди дека ако владата на Ципрас ги продолжи мерките за штедење на ЕУ ќе им се случи пад на популарноста.

Во своето интервју таа исто така, изјавила дека ќе се распраша меѓу народот за излегувањето на земјата од ЕУ доколку биде избрана за претседател на изборите во 2017 година „Идејата ми е да им кажам на луѓето дека ако ме изберат ... за шест месеци најдоцна ќе има референдум“, изјавила Ле Пен.

„Европската унија е смрт, смрт за нашата економија, нашиот општествен систем и нашиот идентитет“, изјавила Ле Пен за грчката телевизија.