Летен камп „Медо Штедо“ за децата од СОС Детско село

Добивај вести на Viber

СОС Детско село, Шпаркасе Банка Македонија, Медиа принт Македонија и Црвениот крст на град Скопје организираа донаторска акција за Летен камп „Медо Штедо‘‘ преку која ќе се овозможи летување за 35 деца од Детското село во кампот „Солферино“ во Струга. „Мојата единствена шанса за летување СТЕ ВИЕ‘‘ е пораката со која се повикуваат сите граѓани да го дадат својот придонес за испраќање на децата во летниот камп во Струга. Пари се собираат од саботата се до 12 јули. Летниот камп „Медо Штедо“ ќе се одржи во периодот од 12 до 25 јули, при што дечињата ќе имаат повеќедневен летен одмор со многу игра, спортски и рекреативни активности кои ќе бидат специјално за нив подготвени од волонтерите од Црвениот крст и вработените од Шпаркасе Банка. Граѓаните ќе може да донираат согласно своите можности преку посебната трансакциска сметка на Шпаркасе Банка број 250-0000000001-11, со повикување на бројот 2924000627. Може да се подарат пари и преку повик на хуманитарниот телефонски број 143 456 на сите три мобилни оператори Т-Мобиле, ВИП и ОНЕ. Секој повик чини 100 денари + ДДВ. Дополнително, Шпаркасе Банка ќе донира по 1 денар, за секоја трансакција која ќе биде направена со платежните картички на Банката.