МАКЕДОНЦИТЕ И НАТАМУ ЗЕМААТ БУГАРСКИ ПАСОШИ: Колку наши граѓани поднеле барања годинава?
Објавено во: Македонија 04 Декември, 2023
Македонците и натаму бараат бугарски пасоши. Оваа година 2.990 Македонци побарале бугарски пасош.
Според информациите на Министерството за правда дури 20.817 странци побарале бугарски пасош. Бугарски пасоши барале луѓе од Украина – 3.141, па од Албанија – 2.992, Македонија 2.990, Русија – 2.262, Молдавија – 1.518, Србија – 1.151, Израел – 361, а од Косово стигнале само четири такви барања. За последниве 15 години околу 120.000 македонски граѓани добиле бугарски пасоши. Најголем дел од овие барања се заведени под графата дека апликантите имаат бугарско потекло.
Бугарија постојано ги споменува Македонците со бугарски пасоши, односно говори за Бугари во Македонија.