Добивај вести на Viber
Од земјите од регионот, Словенија е најинвентивна и го зазема 30. место на скалата по иновативност, додека Македонија е на 51. место, три позиции пред Србија, покажува извештајот на Светската организација за интелектуална сопственост.
Втора година по ред Швајцарија и Шведска ги заземаат првите две места на светската листа на иновации, која опфаќа вкупно 142 земји, а се заснова на глобалниот индекс за иновација. На трето место избила Велика Британија.
Оваа година Швајцарскиот глобален индекс за иновација изнесува 66,6 од можни 100 бодови, додека индексот на Шведска изнесува 61,4, а на Британија 61,3 бодови.
Меѓу водечките 10 земји се пласирале уште Холандија, САД, Финска, Хонг Конг, Сингапур, Данска и Ирска. Најголем напредок имале Велика Британија и САД.
Од земјите во регионот, Македонија е подобро пласирана од Србија, Албанија, Косово и Грција.