Македонија на 103 место по справување со КОВИД-19, пред нас се сите земји од регионот

Добивај вести на Viber

Швајцарија е најбезбедна земја во светот сега за КОВИД-19, пишува Форбс, а се базира на извештајот на Deep Knowledge Grloup, кој е огромен и има 250 страници, а во него се наведени критериумите според кои се оценуваат државите. 

Јужен Судан, според овој извештај, е најопасната нација.

Соединетите Американски Држави се рангирани на 58 позиција, односно веднаш зад Романија и две места пред Русија.

Извештајот се заснова на 130 квантитативни и квалитативни параметри и над 11.400 точки на податоци во категории како ефикасност во карантинот, следење и откривање, подготвеност за здравје и ефикасност на Владата. Тоа е од групата Deep Knowledge, конзорциум на компании и непрофитни средства во сопственост на Deep Knowledge Ventures, инвестициска фирма основана во 2014 година во Хонг Конг.

Интересно е што, во месеците на пандемијата има значителна промена во рангот за безбедност.

Првично, земјите кои можат брзо да реагираат на кризи и имаа високо ниво на подготвеност за итни случаи, се најдоа на највисоко ниво. Сега земјите со еластични економии се рангираат на повисоко ниво.

„Швајцарија и Германија ги постигнуваат позициите број 1 и број 2 во оваа нова специјална студија на случај, специјално заради еластичноста на нивната економија и заради внимателните начини на кои тие се обидуваат да ги олабават рестриктивните мерки и економските замрзнувачки мандати, и сето тоа базирано на факти и научни докази, а без притоа да се жртвува јавнот здравје и безбедност“, се вели во студијата.

Еве ги првите земји според безбедноста на КОВИД-19, според оваа групација. 

Важно е да се напомене дека ова е проценка на само една организација за ризикот, и дека ризикот во различни региони во рамките на нациите исто така ќе се разликува. На пример, Њујорк беше епицентар на ризик за КОВИД-19 пред еден месец, додека Монтана остана, релативно кажано, многу побезбедна.

Региони со најголем ризик во моментов, според извештајот, се Субсахарска Африка и Јужна Америка, како и некои земји на Блискиот исток и Азискиот Пацифик.

Швајцарија, Германија, Израел, Сингапур и Јапонија, се најдобри земји.

Словенија е далеку пред нас, на 32 место, а бргу зад неа е Грција, која се најде 34, додека, пак, Хрватска и Турција се на 36 и 37 место. 

Од земјите во регионот, Црна Гора е на 42 место, додека, пак, Бугарија е на 48 место. 

Србија е 54, и на тој начин се најде веднаш зад Италија. 

Пред нас се и Босна и Херцеговина, која е на 72 позиција на листата, како и Албанија, која е на 88 место.  

Н.Н.Ф.