Македонија освои победа со стил и второ место во групата!
Објавено во: Мои пари 23 Јануари, 2015
По мечеви во баражот за мундијал и на самото европско првенство, Македонија и Австрија се сретнаа и на мундијалски меч во полупразниот амбиент на салата „Али Бин Хамад Ал Атијах арената“ во Доха.
Ацо Јоноски стисна заби и се најде во стартниот тим во одбраната. Миркуловски со спекталуларен лоб по 40 секунди го отвори резултатот. Но при доскокот се повреди и мораше да му се укаже помош. Борко брзо собра 3 одбрани, а Прибак и Кирил Лазаров му посакаа добредојде на Томас Бауер на голот (3:1).
По серијата добри одбрани на голманите, Роберт Вебер со два гола од транзиција израмни на 3:3. Миркуловски се врати во игра во 8 минута, а Лазаров со втора „бомба„ израмни на 4:4. Полека но сигурно сите наши линии во тимот го подигаа нивото и Стоилов и Миркуловски погодија преку полуконтри за 6:4. Најважно беше што одбраната делуваше стабилно, а Борко Ристовски дојде до 5 одбрани. Веќе австријците беа во криза, откако Лазаров со третиот гол не одлепи на 8:5. На половина полувреме по исклучувањето на Вагесрајтер, Лазаров го постигна четвртиот гол за 9:7. Реакцијата на момците на Јоханесон дојде по исклучувањето на Јоноски и двата гола на Вебер од седмерец и Сантос од контра (10:9). Во 19 минута брзото крило Роберт Вебер погоди по четврт пат, овој пат од неговото природно место на десно крило и Австрија израмни на 10:10. Возвративме со нови две контри и лесни голови на Манасков и Георгиевски за 12:10 во 20 минута. Јоханесон побара минута одмор, а мечот „мирисаше „ на меч со многу голови.
Миркуловски со инвидуален продор низ австриската одбрани по седми пат ги одржа најчестите +2 за момците на Обрван. Но немавме решение за Вебер, кој погоди по седми пат за 14:13 во 25 минута. На 80 секунди до одморот Александар Херман со удар од дистанца израмни на 15:15. Недановски брзо го врати нашето водство, но Силахи на 6 секунди до одморот израмни на 16:16, во прво полувреме во кое постојано Македонија го диктираше водството. Вториот дел започна со брзи обострани голови на Лазаров за Македонија и Фабиан Пош за Австрија. Петре Ангелов застана на нашиот гол и веднаш ја прокнижи првата одбрана. Виктор Силаџи со својот втор гол по подолго време ја врати Австрија во водство (18:19). Во 35 минута Витаутас Зиура отиде со тупаница во лицето на Миркуловски и данските судии Хансен и Гједнг му покажаа црвен картон.
Брзо одговоривме на играта со човек повеќе и Мојсоски и Георгиевски пак ни донесоа водство (20:19). Лазаров погоди од казнен удар за неговиот седми гол, а Прибак со мала доза на среќа зголемува на 22:20. Манасков изнуди седмерец и исклучување на Вебер, а Лазаров по 17 минути ни врати нешто побезбедни +3. Нашата игра доби вистинска димензија и Стоилов со нов го, и исклучување за Роланд Шлингер не оддалечи на 24:20. Ангелов за само 12 минути собра 5 одбрани, а мечот доби на енергичност и грубост, бидејќи во интервал од 6 минути, данските судии покажаа пет исклучувања. Дејан Манасков со нов ефектен гол од крило во 43 минута го потврдува нашето најголемо водство (25:21). Ангелов одбрани уште две топки, Вугринец реализираше од крилна позиција и при 27:22, Јоханесон побара тајм-аут во 46 минута. И Мојсоски влезе во ритам и во 48 минута, Македонија имаше највисоки 28:22.
И со човек помалку тандемот Ангелов - Манасков проработе и Македонија во последните 10 минути имаше 30:24. Со агресивна одбрана австријците се обидоа да го фатат последниот воз и со два гола на Божовиќ и Ашербауер намалија на 32:28 во 55 минута. Со многу искуство нашите ракометари го приведоа мечот кон крај за финални 36:31. Во нашата селекција Кирил Лазаров со 9 гола беше најефикасен, Миркуловски додаде уште 6, а крилата Манасков и Георгиевски имаа по 4 гола. Ангелов со 9 одбрани имаше голем придонес во четвртата наша победа во групата. Кај Австрија Вебер со 8 и Силаги со 5 гола беа најпозитивни. Македонија со 4 победи и 1 пораз на второто место ја заврши Б групата и ја заокружи одличната недела во Доха.
Македонската репрезентација досега трипати играше во „Али Бин Хамад Ал Атијах“ арената и трипати победи, против Иран, против БиХ и вечерва со Австрија. Според пропозициите во осминафиналето се игра по принципот А1-Б4, А2-Б3… Другите двојки се Шпанија – Тунис, Хрватска – Бразил и Австрија – Катар.
РАСПОРЕД НА ОСМИНАФИНАЛНИ НАТПРЕВАРИ (ГРУПИ А И Б)
Лусаил (16:30) Австрија – Катар
Лусаил (19:00): Шпанија – Тунис
Ал Сад (16:30): Словенија – Македонија
Ал Сад (19:00): Хрватска – Бразил
Можеби ќе ве интересира
Мрежен маркетинг: Рушиме бариери за жени претприемачи
Мрежен маркетинг: Рушиме бариери за жени претприемачи
КИБС ЦЕЛОСНО ПОДГОТВЕН ЗА ВОВЕДУВАЊЕТО ИНСТАНТ ПЛАЌАЊА ВО МАКЕДОНИЈА СОГЛАСНО НОВАТА РЕГУЛАТИВА НА ЕУ
КИБС ЦЕЛОСНО ПОДГОТВЕН ЗА ВОВЕДУВАЊЕТО ИНСТАНТ ПЛАЌАЊА ВО МАКЕДОНИЈА СОГЛАСНО НОВАТА РЕГУЛАТИВА НА ЕУ
Ново животно поглавје со Пензионерскиот пакет на Халкбанк
Ново животно поглавје со Пензионерскиот пакет на Халкбанк
М6 Едукативен центар стартува со сопствен поткаст – во првата епизода инспиративна дискусија со Светозар Јаневски за „Културата на лидерите – Клучот во управувањето со луѓето“
М6 Едукативен центар стартува со сопствен поткаст – во првата епизода инспиративна дискусија со Светозар Јаневски за „Културата на лидерите – Клучот во управувањето со луѓето“
Охрид Мол – се збогатува со нови модни брендови и содржини
Охрид Мол – се збогатува со нови модни брендови и содржини
Мобилното банкарство e во подем – се повеќе корисници користат НЛБ мКлик за извршување банкарски трансакции
Мобилното банкарство e во подем – се повеќе корисници користат НЛБ мКлик за извршување банкарски трансакции
Никогаш повеќе сама и во новиот семестар: dm ги снабди државните универзитети со нова количина од речиси 130.000 бесплатни хигиенски влошки
Никогаш повеќе сама и во новиот семестар: dm ги снабди државните универзитети со нова количина од речиси 130.000 бесплатни хигиенски влошки
Споделувај внимателно: Кампања на Телеком за заштита на децата на интернет
Споделувај внимателно: Кампања на Телеком за заштита на децата на интернет
СЕРИЈА REDMI NOTE 14 – СО ОДЛИЧНИТЕ ТЕЛЕФОНИ ДОАЃААТ И ОДЛИЧНИ ПОДАРОЦИ
СЕРИЈА REDMI NOTE 14 – СО ОДЛИЧНИТЕ ТЕЛЕФОНИ ДОАЃААТ И ОДЛИЧНИ ПОДАРОЦИ
