Македонија под пост-програмски мониторинг на ММФ

Добивај вести на Viber

Извршниот борд на Меѓународниот монетарен фонд од Македонија очекува да се ангажира во пост-програмски мониторинг со Фондот, откако заврши двегодишниот аранжман во рамките на Заемот за претпазливост и ликвидност (PLL) во вредност од околу 473,9 милиони евра или 600 отсто од квотата која и следува на Македонија. Дополнителен аранжман со Фондот по завршувањето на PLL, властите во Македонија немаат побарано. Од 31 јануари, 2013 година, кредитот на Македонија кај ММФ изнесуваше 225,8 милиони евра или 286 отсто од квотата, информира ММФ и додава дека во такви инстанци се очекува дека членка на Фондот ќе биде ангажирана во пост-програмски мониторинг, а македонските власти искажале волја за тоа. Галвна цел на пост-програмскиот мониторинг (PPM )е да обезбеди поблизок мониторинг на политиките на членките кои имаат земено значителни кредити од Фондот по завршувањето на аранжманите. Во рамките на PPM, членките учествуваат во почести формални консултации со Фондот, отколку што е случај при набљудувањето, со посебен фокус на макроекономските и структурните политики, кои имаат влијание врз надворешната одржливост на должникот.