Македонија се расфрла со енергија како да е 4 пати побогата од Швајцарија?!

Добивај вести на Viber

Македонија во просек троши четири пати повеќе енергија од развиените земји, според бруто-домашниот производ. Заштедата на енергија треба да се гледа во насока на растоварување на РЕК Битола. Македонија не е конкурентна економија - за единица производ трошиме значително повеќе енергија во споредба со Европските земји. Во просек, Македонија троши четири пати повеќе енергија од развиените земји, според бруто-домашниот производ. Ако се земе предвид дека дури 80% од произведената електрична енергија доаѓа од термоелектраните, ова е сериозен аларм дека Македонија што поскоро треба да фати чекор со глобалните трендови и да ги следи Европските, кога се работи за “зелената“ индустрија. На “зелената“ индустрија, како и на енергетската ефикасност треба да се гледа како на огромен потенцијал, двигател на стопанството. Тоа ќе доведе до отворање и на нови работни места. Во услови на скапи суровини, дефицитарно домашно производство на енергија и нерационално користење на ресурсите, неопходно е државата, но и компаниите да сфатат дека состојбите мора итно да почнат да се менуваат, особено во енергетиката. Експертите порачуваат дека инвеститорите треба да сфатат дека вложувањата во “зелената“ индустрија не треба да се смета за авангарда, туку за Европски тренд и реална потреба. Светот наголемо инвестира во рециклирање, во производство на органска храна, во користење на струготините, биомасата или на изметот од животните како енергенс за еколошко производство на енергија. Сакаат ли Владата и компаниите да штедат енергија?! Македонија во просек троши четири пати повеќе енергија од развиените земји, според бруто-домашниот производ. Резиденцијалниот, комерцијалниот и услужниот сектор, како и транспортниот и индустрискиот сектор опфаќаат дури 96% од вкупната потрошувачка на енергија. Во моментов во Македонија соодносот на енергетската интензивност е четири пати поголем од европскиот, односно енергетската ефикасност мерена според БДП е четири пати помала од енергетската ефикасност на Европската унија. Пресметките на енергетските експерти покажуваат дека согласно европските директиви, Македонија до 2018 година мора да заштеди 9% од потрошената енергија во последните шест години.

“Со вложување од 400 милиони евра се заштедуваат околу 80 милиони евра годишно, а се штеди најмалку 4.000 килотони емисија на јаглерод диоксид. Приватниот сектор вложува во енергетска ефикасност, бидејќи тоа се најдобро вложените средства. Енергетската ефикасност е победничка варијанта, тоа е ресурс на Македонија. Да се вложи еден денар во енергетска ефикасност, односно во штедење на енергијата е исто како да сте вложиле два или три денари во производство на енергија“, велат од Македонскиот центар за енергетска ефикасност (МАЦЕФ).

Заштедата на енергија треба да се гледа во насока на растоварување на РЕК Битола. Со тоа Македонија ќе увезува помалку струја и помалку ќе ја загадува животната средина. Според државната осумгодишна Стратегија за енергетска ефикасност, со влог од 400 милиони евра до 2020 година земјава треба да стане енергетски поефикасна. Рационалното користење на енергијата и заштедата на овој се поскап ресурс не е само потреба, туку и обврска, објаснуваат познавачите. К.П