МАКРОН ДО ПУТИН: Ние сме подготвени и имаме доктрина да користиме нуклеарно оружје
Објавено во: Свет 15 Март, 2024
Францускиот претседател Емануел Макрон рече дека кога станува збор за нуклеарно оружје, нема потреба од фалење.
Оваа изјава ја упати кон рускиот колега, Владимир Путин кој се закани со нуклеарна војна.
„Прво и основно, ние мора да се чувствуваме заштитени, бидејќи сме нуклеарна сила. Ние сме подготвени и имаме доктрина да користиме нуклеарно оружје“, рече Макрон во интервју за телевизиските канали ТФ1 и Франц 2.
Путин неодамна го предупреди Западот дека Русија е „технички подготвена за нуклеарна војна“ и дека ако САД испратат копнени сили во Украина, тоа ќе се смета за значајна ескалација на војната.
Макрон изјави дека Европа мора да се подготви за војна доколку сака мир, нарекувајќи го рускиот претседател Владимир Путин противник кој нема да застане во Украина доколку Русија излезе како победник. Руската инвазија на Украина почна на 24 февруари 2022 година.