МАСАКР ВО ДОЊЕЦК: Чеченците убиле девет лица оти не сакале да им ја отстапат куќата
Објавено во: Свет 30 Октомври, 2023
Пронајдени се девет убиени цивили во куќа во Украина која е под руска окупација.
Застрелани се лица во источниот украински град Волноваха, окупиран од Русија, според руските власти, јави ДПА.
„Две од загинатите се деца“, соопшти Рускиот државен истражен комитет.
Мртвите се пронајдени со прострелни рани во приватна куќа.
Осомничениот е руски војник, објави независен руски канал на Телеграм. Меѓу загинатите има татко, мајка, нивните две деца и гости во куќата.
Роднините на жртвите пријавиле дека семејството е убиено минатиот петок, на роденден. Покрај четиричленото семејство (сопругот Андрик и сопругата Наталија, како и нивните деца Настија и Микита), во куќата се убиени уште пет лица. Новинарот Денис Казански изјави дека еден од лицата, Андриј Капканец, се скарал со Чеченците, кои се обиделе да му ја одземат куќата.
Тој додаде дека Чеченците решиле да му се одмаздат така што се појавиле на роденденската прослава и ги убиле сите. Подоцна, комесарот за човекови права Дмитро Лубинец изјавил дека Русите „убиле девет лица во куќата, вклучувајќи едно девојче во четврта година на училиште и едно момче од предучилишна возраст“.
Волноваха е во регионот на Доњецк и е окупирана од руски војници од март 2022 година.
Украинската армија повторно изврши напад на Крим. Руската инвазија на Украина почна лани на 24 февруари.