Мегакран пристигна во Балтимор за да ги отстрани остатоците од урнатиот мост: Кранот може да крене и до 1.000 тони

Добивај вести на Viber

Најголемиот оперативен кран на источниот брег на САД беше позициониран во пристаништето Балтимор вчера и е подготвен да започне со расчистување на остатоците од мостот Френсис Скот Ки, кој се урна во вторникот кога товарниот контејнерски брод „Дали“ удри во потпорен столб.

Кранот, кој може да подигне до 1.000 тони товар, најверојатно ќе почне да ги извлекува остатоците од структурата на мостот од реката Патапско во сабота наутро, изјави портпаролката на американската крајбрежна стража Кармен Карвер, пренесе Ројтерс.

Мостот Френсис Скот Ки бил изграден во 1972 година, бил долг околу три километри и имал четири сообраќајни ленти на висина од 56 метри над реката.

Отворен за сообраќај во 1977 година и го добил името по Френсис Скот Ки, кој ја напишал американската химна во 1814 година прославувајќи ја американската победа над Британците во битката кај Балтимор.

Бродот „Дејли“, кој удри во потпорниот столб на мостот и предизвика уривање на конструкцијата на мостот, е во сопственост на данската компанија „Маерск“ и пловел од пристаништето Балтимор до Шри Ланка, објави претходно Ројтерс.

Бродот е долг 289 метри и на денот на несреќата пловел под знамето на Сингапур.