Добивај вести на Viber
Германската канцеларка Ангела Меркел е потресена од развојот на истрагата за авионесреќата во Алпите.
Според неа, е тешко да се разбире дека помошник-пилотот од авиокомпанијата „Germanwings“ Андреас Лубиц можел намерно да го урне авионот во француските Алпи, и да предизвика смрт на 150 лица.
Според неа активностите на вториот пилот додаваат нова и целосно несфатливо димензија на трагедијата.
„Оваа вест ме потресе многу длабоко. Таа надминува сè што можам да замислам. Ова е ужасен товар за семејствата на жртвите во овие денови, исполнети со страдање. Не ги знаеме сите причини“, продолжи канцеларката и вети дека Германија ќе стори сé можно, за да помогне во истрагата.
Во меѓувреме, колегите на Лубиц од авиоклубот „Вестервалц“ го опишуваат како „многу мил и воспитан млад човек“.
„Немам зборови! Немам никакво објаснување! Андреас беше многу симпатичен млад човек. Беше многу смешен, а понекогаш беше малку затворен“, изјави за „Ројтерс“ инструкторот од авиоклубот Питер Рикер.
Потсетуваме дека 28-годишниот Андреас Лубиц е од Монтабаур . Има 630-часови лет. Се приклучил кон „Germanwings“ во септември 2013 година - директно од училиштето за пилоти на „Луфтханза“ во Бремен. Се проценува дека во септември 2013 година Лубиц добил сертификат за летање од Федералната воздухопловна управа. Од клубот на пилоти во кој членувал 28-годишниот пилот велат дека тој членува ушт од тинејџер и дека сакал секогаш „да го оствари својот сон да лета“.