МЕСТО НА ЛАЛИЊА МИРИСА НА РЕЦЕСИЈА: По Германија и Холандија е на големи маки, економијата во пад два квартали по ред

Добивај вести на Viber

Во вториот квартал, од април до јуни, холандската економија падна за 0,3 отсто во однос на претходниот квартал, соопшти Државниот завод за статистика на оваа земја – CBS.

Економијата на Холандија падна во првиот квартал, за 0,4 отсто во однос на четвртиот квартал од минатата година, така што оваа земја и официјално влезе во рецесија, пренесува холандскиот јавен сервис НОС.

-Ова не е баш класична рецесија, со масовни банкроти и отпуштања, бидејќи бројот на банкроти во Холандија останува низок“, рече главниот економист на CBS, Питер Хајн ван Мулиген. Тој додаде дека во државата се уште има повеќе слободни работни места отколку невработени.

Главниот економист на CBS смета дека блага рецесија може да биде дури и добра за холандската економија, бидејќи притисокот врз пазарот на трудот ќе се намали.

Холандските потрошувачи во последно време трошат помалку пари, а високите каматни стапки на Европската централна банка (ЕЦБ) ја заладија и економијата на оваа земја.

Министерката за економски прашања и климатска политика на Холандија, Мики Адријансенс, истакна дека на нејзината земја и е потребна стабилност и предвидливост во оваа ситуација. Таа додаде дека владата можеби ќе може да направи нешто за „непотребните зголемувања на цените“ во некои области.