Мицкоски: Лично мене ми се допаѓа Република Македонија
Објавено во: Македонија 18 Мај, 2018
Претседателот на ВМРО-ДПМНЕ Христијан Мицкоски вечерва изјави дека ставот на партијата по евентуалниот предлог за договор за името ќе го даде по лидерската средба која е закажана за утре во Скопје.
„Засега немам став, јас сум сериозен човек, за сериозни теми сакам да располагам со сериозни информации. Не би сакал да претпоставувам, ниту да одговарам на хипотетички прашања. Гледаме оптимизам, песимизам, и од грчка и од македонска страна прилична какафонија, така да ја почекаме лидерската средба и ќе добиете одговори. Лично мене ми се допаѓа Република Македонија“- вели Мицкоски.
Лидерот на најголемата опозициска партија во врска со дијалогот од процесот „Жан Моне“ рече дека токму на нивна иницијатива и активностите на партиското раководство во Брисел наместо во Париз се одржува во Охрид.