Мицкоски се откажа од испраќањето на писмото: Се е разговарано со лидерите на ЕУ
Објавено во: Македонија 26 Октомври, 2024
Премиерот Христијан Мицјкоски денеска пред медиумите рече дека се што требало да пишува во писмото кое што имал намера да го испрати до Брисел веќе го разговар со лидерите на ЕУ, вклучително и со претседателката на Европската комисија, Урсула фон дер Лајен, која пред два дена беше во Скопје.
- Мислам дека сето тоа би било беспредметно. Затоа често пати велам да му дадеме време на времето. Ова е сепак процес во кој ние имаме наши позиции. Се обидуваме помалку или повеќе да ги вратиме оние позиции кои што се загубени, рече Мицкоски.
Тој додаде дека неговиот став и ставот на владата е добропознат по условот за уставните измени и дека од тој нема да има, како што рече, ниту милиметар отстапување.
Мицкоски планираше до ЕУ да испрати писмо со кое имаше намера да ги потенцира нерационалните билатерални условувања од Бугарија на патот на евроинтеграциите и да предложи одложено дејство на уставните измени кои би се активирале штом Македонија стане земја-членка на Унијата.