Мицкоски: Заев со непотрошени 500 милиони евра ќе ги потплаќа гласачите
Објавено во: Економија 04 Август, 2019
Христијан Мицкоски, лидерот на ВМРО-ДПМНЕ, денеска на прес-конференција рече дека најголемата опозициска партија има сознание дека премиерот на Македонија, Зоран Заев, како неформален министер за финансии намерно не ги троши сите пари за капитални инвестиции за потоа со оние кои ќе останат директно да ги префрлува како трансфери до граѓаните, односно гласачите.
- Преку буџетот има намера да ги корумпира граѓаните и гласачите, затоа стана и министер. Капиталните расходи по половина година се само дваесетина проценти Ќе останат неинвестирани 500 милиони евра и тие пари ќе одат за трансфери месеци пред избори играјќи на картата на кратко помнење на граѓаните, рече Мицкоски.
Тој додаде дека иако не се трошат пари за капитални инвестиции, задолжувањата за таа намена продолжуваат и на годишно ниво, како што вели Мицкоски, од 16 милијарди денари. Како што вели тој, овие пари не се инвестираат туку се чуваат за да им се дадат директно на потенцијалните гласачи и дека опозицијата тоа нема да го дозволи.
- Сите меѓународни финансиски и политички претставници ќе ги информираме дека на следните парламентарни избори доаѓа до промена на Владата на Репубика Македонија и ваквите авантуристички проекти нема да ги поддржиме и затоа може ќе дојде до знак прашање нивното реализирање, додаде претседателот на ВМРо-ДПМНЕ.
Мицкоски вели дека еврообврзницата која Владата ја планира за изградба на новиот Клинички центар во вредност од 500 милиони евра ќе биде всушност наменета за „ситно корумпирање“. Додаде дека економските параметри за првата половина од 2019, според Мицкоски, доколку Заводот за статистика „професионално ги одработи резултатите, тие ќе бидат катастрофални“.
- Ситуацијата во буџетот е катастрофална. Во првите шест месеци се проектирани приходи од 43,4 милијарди денари, а биле наплатени само 39,3 милијарди денари. Во јуни 16 отсто е помала наплатата од планираната. Ќе ја повторам тезата дека живееме во два паралени света со господинот Заев - оној неговиот што е многу помал и оној на граѓаните во беспарица, додаде Мицкоски.
Можеби ќе ве интересира
ПОРАЗИТЕЛНО: Приближно 70 отсто од фабриките во Русија се соочуваат со недостиг на работници
Бугарскиот „Флекс Кредит“ ќе врти кај должници и ќе бара наплата за компании
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
„Алкалоид“ добитник на „Патент на годината за 2023“ за иновативниот „Омепразол“ во течна форма
Трендафилов: Газдите пријавуваа исчезнување на Непалките зошто им го платија патот до тука
Кина има за цел да склучи повеќе договори за слободна трговија, ветувајќи зголемена отвореност
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
СТАНОВИ И КАНЦЕЛАРИИ „ТЕШКИ“ 600 ИЛЈАДИ ЕВРА ОДАТ НА БАРАБАН: еве каков имот нудат банките на продажба
ССМ НАЈАВИ ПРОТЕСТ ЗА 1 МАЈ: Бараат минималецот да изнесува најмалку 450 евра
