Мицоски вели дека францускиот предлог е нокаут за македонската дипломатија
Објавено во: Македонија 16 Јуни, 2022
Францускиот предлог значи или бугаризација или нема ЕУ, изјави вечерва претседателот на ВМРО-ДПМНЕ, Христијан Мицкоски во Само интервју на Канал 5.
Го оцени предлогот како лош и негативен. Мицкоски побара итна средба со целиот државен врв за заедно да постават траекторија по која Македонија треба да се движи.
„Тоа значи дека или ние ќе се асимилираме, бугаризираме или никогаш нема да бидеме дел од ЕУ. Ова е нокаут за македонската дипломатија. За мене уште поголем нокаут е лицемерната политика. Да се уценува Македонија- земја кандидат, а притоа да се излезе со позиција дека Украина заслужува кандидатски статус“, рече Мицкоски.
Шефот на државата, Стево Пендаровски вели дека ќе бараат гаранции и од ЕУ, не само од Софија. Порача дека Уставот не може да се смени за една недела за да се внесат Бугарите во него. Ако Бугарија не го тргне ветото, Македонија не може да ги почне преговорите со Европската Унија(ЕУ).