Добивај вести на Viber
Новинарката Катерина Топалова, која изминативе денови била во туристичка посета на Дубаи, на социјалната мрежа фејсбук сподели интересна објава за тоа колку таму функционира системот, и како преку сателит е пронајден изгубен телефон.
„Последен ден во Дубаи. Пред да почнеме да си ги раскажуваме импресиите, ќерка ми сфати дека телефонот и го нема.
Постар модел, скршен екран ама многу видеа и слики што сама ги направи. Почнаа плачки и лекции како треба да се грижи за своето.
Пет часа по почетокот на последната прошетка, замолив на рецепција да ме викнат ако случајно некој им донесе мобилен телефон. Им кажав дека најверојатно е заборавен во такси возилото што случајно го најдовме и се качивме.
Ме прашаа која беше дестинацијата, времето на возењето и колку сме платиле. Без никакви очекувања легнавме да спиеме.
Два часа по пријавата ме разбудија дека го нашле возачот и дека ме чека на рецепција со телефонот. Не ми се веруваше!
Го прашав како го нашле? Рече-преку сателит! Податоците биле доволни за да го најдат возилото, возачот а потоа и заборавениот мобилен.
Вели- госпоѓо, милион долари да изгубите во Дубаи ќе ви ги најдат! Среќа немам толку
Ова место го врзуваат многу контрадикторни приказни. Нашата завршува со среќен крај, убави спомени и многу фотографии!“, пишува новинарката во својата објава на фејсбук.
Фото: ЕПА