Милошоски тврди дека има сериозни влошувања за Македонија
Објавено во: Македонија 17 Јуни, 2022
Има сериозни влошувања за Македонија, вели пратеникот на ВМРО-ДПМНЕ, Антонио Милошоски кој на социјалните мрежи го објави документот, кој според него е предлог за преговарачка рамка на Советот на ЕУ за Северна Македонија. Во него, се наведува дека Договорот од Преспа и Договорот за добрососедство со Бугарија од 2017 година стануваат дел на преговарачката рамка со ЕУ.
Милошоски додаде дека повикувајќи се на предлогот, за Македонија се отвора уште едно прашање, тоа за Уставот и вклучувањето на бугарското малцинство како услов за закажување на првата меѓувладина конференција. Тој ги обвини премиерот Димитар Ковачевски, министерот за надворешни работи Бујар Османи и вицепремиерот за европски прашања Бојан Маричиќ, дека знаеле за таков документ, но повторно не ги издвоиле билатералните договори од преговарачката рамка.
БГНЕС објави кој е францускиот предлог за кревање на ветото и што содржи.
Kaко што пишува агенцијата БГНЕС, Советот на Европската Унија договори финален документ кој содржи рамка за преговори за пристапување на Македонија во ЕУ, како и декларација за отворање на првата Меѓувладина конференција со Скопје.