Добивај вести на Viber
Најголем дел од компаниите бараат млади лица со завршено средно образование, а најчести работни места кои им се нудат се продавачи, келнери и градежни работници.
Според податоците од Агенцијата за вработување, од 6,776 слободни работни места, фирмите најмногу бараат продавачи (686 слободни места), па хигиеничари ( 525), работници во производство (525) и општи работници (324).
Во државните органи не се регистрирани слободни места.
Од вкупниот број слободни работни места, најмногу има во Скопје, односно 3 589, во Битола 440 и во Кавадарци 396 слободни места.
Според Агенцијата, околу 4 000 млади лица се вработиле преку проектот ,,Македонија вработува".
Од нив, 2 254 лица имале завршено само средно образование. Со основно школо се вработиле 935 лица, а 600 имале високо образование.