ММФ: ЗНАЧИТЕЛЕНО ЗАБАВУВА СВЕТСКАТА ЕКОНОМИЈА - Еве колкав раст ја очекува Македонија годинава
Објавено во: Економија 11 Април, 2023 17:16
Меѓународниот монетарен фонд (ММФ) во најновата прогноза за светската економија објавен денеска, малку ги намали изгледите за глобалниот раст за тековната година, бидејќи зголемените каматни стапки ја забавија економската активност и предупреди дека натамошните превирања во финансискиот систем може да го намали производството на ниво блиску до рецесија.
Според Ројтерс, ММФ сега предвидува раст на глобалниот реален БДП од 2,8 отсто во 2023 година и 3,0 отсто во 2024 година, што е нагло забавување од растот од 3,4 отсто во 2022 година поради заострената монетарна политика.
Дополнително, ММФ предвидува глобална инфлација од седум отсто оваа година, што е намалено од 8,7 отсто во 2022 година, но е повисока од јануарската прогноза од 6,6 отсто за 2023 година, пренесува АП.
Во однос на Македонија, податоците кои ги објави ММФ покажуваат дека за оваа година монетарците очекуваат нашата економија да порасне само 1,4 отсто. Веќе за следната година економијата ќе забрза и ќе достигне раст од 3,6 проценти.
За нашите соседи, Србија, пргнозите се дека годинава ќе имаат раст од 2 отсто, додека следната година 3 проценти
Кога станува збор за балканскиот регион, барем според достапните проекции, повеќето земји ќе имаат значителен пад на БДП во однос на минатата година.
Албанија годинава ќе се намали од минатогодишните 3,7 отсто на 2,2 проценти, додека следната година ќе се искачи на 3,3 отсто.
БиХ ќе го замени минатогодишниот раст од 3,8 отсто со пад до 2 отсто оваа година и раст до 3 проценти следната година.
Хрватска, која штотуку влезе во еврозоната, од минатогодишните 6,3 отсто оваа година брзо ќе се намали на 1,7 проценти, додека следната година се очекуваат околу 2,3 отсто.
Косово ќе биде едно од ретките што ќе бележи раст во однос на ланските 2,7 проценти, па годинава се очекуваат 3,5 отсто, а следната 3,9 проценти раст на економијата.
Се чини дека Црна Гора ќе го следи остатокот од регионот со пад од нешто повеќе од 3 отсто, така што годинава ќе има 3,2 проценти, а следната година повторно ќе падне на 3 отсто.
Македонија 2022 година ја заврши со раст од 2,2 проценти, додека годишниот БДП ќе изнесува скромни 1,4 отсто, со тенденција за подобрување на состојбата следната година со 3,6 проценти.
Споредено со 2022 година кога Србија имаше раст од 2,3 отсто оваа година ќе се намали на 2 проценти, а следната година ќе порасне на 3 отсто.
Словенија, како уште една земја во регионот која е во еврозоната, од минатогодишните 5,4 отсто забрзано ќе падне на 1,6 проценти оваа година, а следната година треба да достигне 2,1 отсто.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ХОЛАНДСКИОТ СУД ГО ЗАПЛЕНИ ИМОТОТ НА ОПЕРАТОРОТ НА ТУРСКИ ТЕК: Уште еден напад врз турскиот гасовод
АЛЕКСАНДАР МАНЕВ ВО „БИЗНИС-КЛУБ“: „НЕМА ПОМОЌНА ИНСТИТУЦИЈА ОД КОМОРАТА, КОЈА ОБЕДИНУВА УСПЕШНИ ЛУЃЕ, ЛИДЕРИ И КРЕАТОРИ НА МИСЛЕЊА“
НОВ ПРЕСВРТ НА СВЕТСКИТЕ БЕРЗИ - Цените на нафтата растат
ИЗВОЗОТ НА КИНА ПРОДОЛЖУВА ДА РАСТЕ - царините ги намалија количините кон САД, но не и во останатите земји
ХАОС НА КРИТ И НИЗ ЦЕЛА ГРЦИЈА: Земјоделците блокираат аеродроми, патишта и пристаништа, еден полицаец е повреден
СЛЕДНАТА ГОДИНА СТАРТУВА ЗАКОНОТ ЗА СЕЗОНЦИТЕ - еве кои професии се опфатени и колку дена ќе смеат да работат
„ДУРИ 51 МЕСТО ВО СРБИЈА НЕМААТ АЛТЕРНАТИВА“: Хандановиќ за бензинските пумпи на НИС
Корисниците ќе имаат избор: Мета се обврзува да се придржува до законите на ЕУ
Пет професии кои се дефицитарни - високите плати се примамливи, но стручноста е неопходна
